web counter
LEXO PA REKLAMA!

SHKARKO APP

App Store
Google Play

E fundit!

x

Pas shkarkimit, Artan Lame i

2023-11-13 12:22:00, Aktualitet CNA
Pas shkarkimit, Artan Lame i
Piktura e Paja Javanoviq që u ble nga serbët

Pas shkarkimit nga detyra, Artan Lame u është hakërryer socialistëve. Ish- kreu i Kadastrës ,Artan Lame në një reagim të gjatë në rrjetin social Facebook, ka akuzuar qeverinë shqiptare se po lejon të na vidhet kultura.

Duke iu referuar shitjes së një prej pikturave me temë shqiptare të piktorit malazez, Paja Jovanoviç, vepër e vitit 1858, të cilën në një ankand në Londër e blenë serbët, Lame thotë se të paktën Shqipëria do të duhej të merrte pjesë në ankand.

“E pra ankandi i hapur para një muaji, u mbyll dje dhe piktura e shqiptarit hijerëndë u ble nga … SHTETI SERB. Sapo ky haber mori dhenë nëpër media, vërshuan regjimentet e patriotëve të feisbukut të mallkonin. Eh kjo Serbia e poshtër që që po na vjedh kulturën tonë. Pse nuk e bleu shteti shqiptar?! Se ankand i hapur ishte dreqi ta hajë, nuk vajti Vuçiçi me çorape në kokë ta vidhte në Londër e ta çonte në Beograd. Ndoshta edhe po të kish hyrë në ankand shteti shqiptar, prapë do ta kishim humbur, se Serbia ka pará më shumë se ne, po të paktën edhe faqen do ja kishim shpëtuar shqipes (ja e provuam, po kaq e kishim takatin); por edhe një dëm do ja kishim bërë sërbit, se do ta blinte më shtrenjtë. As kaq nuk bëmë”, shkruan Lame.

Më tej ai thekson se edhe vetë Vuçiç mund të ndihet nën presion nga opinini publik e se thellë mund të dojë të nënshkruajë marrëveshjen më Kosovën për të sjellë shembullin e një europiani modern e mendjehapur, por ka frikë nga opinion i vendit të tij. 

Lame shkon më tej duke hedhur akuza se tashmë nuk kemi as shoqëri civile e cila mund të “shqetësojë” qeverinë.

“Nuk ndodhi asgjë nga këto, se qeverinë nuk e shqetësoi kush, sepse shoqëria civile nuk është më as shoqëri e ca më pak civile, oligarkët nuk dolën nga kazionoja; bankat vijuan të bëjnë pará me paratë tona; dhe shqiptarët vazhduan punët e tyre të pashqetesuar deri në momentin kur pikturën e blenë serbët e poshtër.Pastaj? Pastaj serbet vazhduan punët e tyre, ndërsa shqiptarët zunë kafenetë për të pritur armikun e rradhës”, e ka përfunduar shkrimin e tij Lame.

Më herët Artan Lame ka qenë pjesë aktive e qeverisë Rama me postin si Drejtor i Përgjithshëm i Kadastrës, post të cilin e mbajti deri më 9 maj 2023./CNA

 





Lajmet e fundit nga