web counter
LEXO PA REKLAMA!

SHKARKO APP

App Store
Google Play

Nën hetim nga Italia?/ Reagon Arben Gjata: S’kam dijeni, nuk kam dhënë titull nderi

2024-01-18 16:37:00, Aktualitet CNA
Nën hetim nga Italia?/ Reagon Arben Gjata: S’kam dijeni, nuk kam
Rektori i Universitetit të Mjekësisë, Arben Gjata

Mediat italiane kanë raportuar se rektori i Universitetit të Mjekësisë, Arben Gjata, është nën hetim nga autoritetet e shtetit fqinj për dhënien e titullit Doktor Nderi të Guvernatorit të Sardenjës, Christian Solinas.

Sipas hetimeve italiane, kjo doktoraturë është dhënë në këmbim të ndërhyrjes që Solinas do të kishte te ministri i Jashtëm italian për dhënie fondesh komunitare e financime projektesh studimore për Fakultetin e Mjekësisë në Universitetin e Tiranës.

Për këtë artikull ka reaguar këtë të enjte vetë rektori i Universitetit të Mjekësisë në Tiranë.

Gjata tha për mediat se nuk ka dijeni të jetë në hetim dhe e nuk e ka takuar kurrë personin për të cilin flitet se ka marrë titull nderi.

“Asgjë të re nga sa kam thënë. Nuk kemi dhënë asnjë titull për personin në fjalë dhe as e kemi propozuar.

Nuk kam asnjë njoftim nga askush (për hetime). Madje vjet i jam drejtuar me shkresë zyrës së ambasadës italiane që universiteti nuk ka dhënë asnjë titull. Këtë person nuk e kam takuar kurrë”, theksoi rektori./ CNA





Lajmet e fundit nga