web counter
LEXO PA REKLAMA!

SHKARKO APP

App Store
Google Play

Mblidhet ‘Kuvendi i Burrave’/ Banorët e Thethit, apel qeverisë: Ndalo aksionin!

2025-07-13 16:34:00, Aktualitet CNA

Mblidhet ‘Kuvendi i Burrave’/ Banorët e Thethit, apel

Si dikur, të ulur këmbëkryq para Kishës simbol të Thethit, ‘Kuvendi i Burrave’ u mblodh këtë të diel për t’i kërkuar qeverisë të ndalë aksionin për prishjen e ndërtimeve pa leje.

Mblidhet ‘Kuvendi i Burrave’/ Banorët e Thethit, apel

“Këto kulla i kemi mbrojtur me gjak”,-thanë banorët, teksa i pranishëm ishte edhe famullitari i zonës, Pader Kastriot Demaj.

“I kam bërë thirrje ta ndërpresin, se nuk është e arsyeshme sepse edhe ata kanë gabimet e tyre. I kanë parë me sy dhe nuk ishte dashur t’i linin të bëheshin. Shtëpiat tona nuk janë prishur, por iu vjen dita dhe atyre ndaj duhet të reagojmë si të ishin tonat. Edhe kur Serbia ka luftuar në Kosovë, ne na është dridhur zemra. Gjithë Malësia, Puka e gjithë qarku Shkodër më kanë bërë sms e më kanë thënë se duhet mbrojtur toka. Jemi bajrak që kullat i kemi bërë me djersë e duhet ti mbrojmë me gjak”,-tha Demaj.

Aksioni vijon në ditën e shtatë, ndërsa deri më tani janë prishur rreth 45 objekte pa leje.

Mblidhet ‘Kuvendi i Burrave’/ Banorët e Thethit, apel

Në mbështetje të fadromave të IKMT-së në terren kanë shkuar dhjetëra forca policie, pasi herë pas here situata tensionohet nga banorët, të cilët kanë pasur edhe përplasje me efektivët.

Paralelisht, strukturat e bashkisë po punojnë për heqjen e inerteve dhe pastrimin e zonës./CNA  





Lajmet e fundit nga