web counter
LEXO PA REKLAMA!

SHKARKO APP

App Store
Google Play

E fundit!

x

“Ikja e shqiptarëve me gomone”/ Çuçi ia gjuan topin Britanisë, “mbyt”, Kuvendin me propagandë

2022-10-06 11:53:00, Aktualitet CNA

“Ikja e shqiptarëve me gomone”/ Çuçi ia gjuan

Ministri i Brendshëm Bledi Çuçi teksa i është përgjigjur interpelancës së thirrur nga deputeti i PD-së Ervin Salianji ka bërë edhe një rezyme të punës së Policisë ndër vite.

Edje pse është shprehur i lodhur për të gjetur statistika, Çuçi ka thënë se gjatë qeverisjes së PS-së, krimi ka shënuar ulje.

“Jam lodhur për të gjetur statistika para 2013. I kemi çuar në 3168 ndëshkimet.

Le të vijmë tek numri i vrasjeve me dashje. Në 2006 kishim 87 vrasje me numër viktimash 95. Në 2007 ishin 105 viktima.

Në 2011 kishte 142 viktima. Ndërsa në 2014-2018 ranë vrasjet. Deri në 2021 që kemi ulur në 61 numër vrasje me 66 viktima. Shikoni çfarë ndryshimi.

Janë statistika jo opinion. Kemi dhe 8 mujorin tani 36 vrasje me dashje me 41 viktima.

E kemi gjetur në 2012 më 126 dhe tani kemi 61 më shumë se përgjysmuar.

Plagosjet e rënda i gjetëm 163 raste në vitin 2013 dhe i ulëm me 140 raste në 2021. Vjedhjet me pasojë vdekjen i gjetëm 6 dhe 0 në vitin që kaloi”, tha Çuçi.

Më tej Ministri i Brendshëm ka folur  edhe për shqiptarët që  udhëtojnë drejt Britanisë së Madhe, që sipas tij,  janë emigrantë në shtete të tjera të Europës që largohen drejt një shteti tjetër.

“Për azilkërkuesit statistikat janë. Në 2015 kanë qenë 65 azilkërkues, në 2021 kemi vetëm 11 mijë. Shiko çfarë rënie nga viti 2015 dhe deri më sot. Kjo është çështje shumë dimensionale. Nuk është vetëm për ministrin e Brendshëm. Njerëzit duan të lëvizin dhe të gjejnë një jetë më të mirë.

Kjo është e natyrshme. Por numri është ulur. Për emigrantët e paligjshëm drejt Mbretërisë ë Bashkuar nuk kemi pasur ndonjëherë marrëdhënie më të ngushtë mes agjencive ligjzbatuese të dy vendeve. Është problem i Britanisë së Madhe. E dimë që pjesa më e madhe janë shqiptarë.

Jemi partner te kjo gjë. Kemi çuar njerëz atje për t’u marrë me këto  çështje. E keqja që ka rritur numrin është legjislacioni që ata kanë për këtë gjë. Shqiptarët që kanë shkuar atje janë shqiptarë që kanë emigruar në vendet e Europës dhe ikin nga vendet e Europës drejt Britanisë së Madhe”,  është shprehur Çuçi./CNA.al





Lajmet e fundit nga