web counter
LEXO PA REKLAMA!

SHKARKO APP

App Store
Google Play

Protesta e pedagogëve/ Alimehmeti: Nëse nuk rriten pagat, bojkoti do të vijojë edhe pas 17 tetorit

2022-10-05 22:09:00, Aktualitet CNA
Protesta e pedagogëve/ Alimehmeti: Nëse nuk rriten pagat, bojkoti do
Mjeku dhe pedagogu, Ilir Alimehmeti

Mjeku dhe pedagogu, Ilir Alimehmeti, ka deklaruar se pedagogët do të vijojnë bojkotin nëse nuk marrin një përgjigje nga qeveria për rritjen e pagave.

Sipas Alimehmetit, bojkoti do të vijojë edhe përtej 17 tetorit dhe nuk do të hyjnë në salla deri në një reagim të qeverisë në lidhje me këtë pikë për të cilën pedagogët kanë dalë në protesta.

"Kemi bërë negociatat në shtator me Ministrinë e Arsimit. kemi rënë dakord me disa pika që duhet të ishin zgjidhur nga ministria. Doktoratura, duhet të ketë udhëheqësi dy doktoratura të përfunduara, ndërsa deri në 2022 janë pezulluar dhënia e doktoraturave.

Me ministrinë kemi rënë në kompromis për pjesën që nuk ka implikime buxhetore.

Çdo të ndodhë më tej me 17 tetor do bojkotohet mësimi. Nëse nuk rriten pagat do vijojë bojkoti. Nëse nuk kemi një përgjigje për kërkesat tona, bojkoti i mësimit do të vijojë edhe përtej 17 tetorit. Nuk do hyjmë në salla deri në një përgjigje të kryeministrit. Ektstreme është greva e urisë jo bojkoti i mësimit. Duhet të marrim parasysh produktin që është formimi i studentëve. Nëse ka investim ky shkon në produktin e studentëve. Shembull për këtë janë aplikimet, 1 në 3 maturantë vendosi të ikë jashtë vendit. Nuk di një familje të jetë e lumtur të largojë fëmijën 18 vjeç nga vetja.

Ikin sepse gjejnë një ofertë më të mirë arsimore. Ne duhet të ngremë këtë koncept.

Çfarë e bën një staf më të motivuar e një staf më i kualifikuar të afrohet? Duhet ti ofrosh kushtet, këtë kërkojnë edhe sindikatat. Çdo vit mbyllen degë. Në 2018 u mbyllën 41 degë studimi në Shqipëri. Nuk po i tërheqim dot studentët. Duhet të investojmë në shumë plane. Nuk është vetëm rrogë. Jemi shumë larg Kosovës me pagat, mos e krahasojmë me Europën. Mali i Zi është akoma më larg. Kosova shtet më i ri nga ne, si arrin të ketë paga më të larta se ne?”, tha ai./ CNA.al





Lajmet e fundit nga