web counter
LEXO PA REKLAMA!

SHKARKO APP

App Store
Google Play

Humbi jetën pas betejës me sëmundjen/ Miqtë e avokates kërkojnë ndihmë për fëmijët e Denisa Dakës

2022-12-01 21:30:00, Aktualitet CNA
Humbi jetën pas betejës me sëmundjen/ Miqtë e avokates
Denisa Daka

Ditën e sotme u nda nga jeta Denisa Daka, avokate dhe mbrojtëse e të drejtave të njeriut, veçanërisht e grave të dhunuara dhe në pamundësi financiare.

Ajo humbi jetën pas një sëmundje të rëndë, duke lënë pas dy fëmijë. Miqtë e avokates kanë ndërmarrë një nismë që të ndihmojnë fëmijët e Dakës.

Ata kanë hapur një llogari në GoFundMe dhe kërkojnë që çdokush të ndihmojë sadopak për të blerë një shtëpi për dy fëmijët.

“Denisa Daka, avokate dhe mbrojtëse e të drejtave të njeriut, veçanërisht e grave të dhunuara dhe në pamundësi financiare, u nda sot nga jeta, pas një sëmundje të rendë. Kurimi i Denisës i kushtoi familjes të gjithë kursimet. Sot dy fëmijët e saj, janë pa shtëpi dhe pa të ardhura. Denisa ishte një nënë shembullore dhe një bamirëse e pashoqe në profesion. Shumëkush ka ndjerë ndihmën e pakursyer të saj si avokate profesioniste e shkëlqyer, pa menduar për paratë, por vetëm për drejtësinë. Denisa ndihmonte çdo njeri të pamundur në procese gjyqësore, duke ofruar falas avokatinë e saj. Sot kjo grua e fortë nuk është mes nesh. Me punën e saj ajo rriti e krejt e vetme dy fëmijët e saj që ende janë në moshë të mitur, por Denisa e ndershme nuk i'a doli të linte së paku një strehë për ta. Ata sot janë pa shtëpi. Ata sot janë pa nënë e pa baba. Ata sot janë amaneti i një njeriu të ndershëm për të gjithë ne. Sot, është dita që t'i kthejmë asaj, atë që ajo bëri për njerëzit e pamundur, në nevojë e pa përkrahje. Kontributi financiar do lehtësonte sado pak dhimbjen e dy fëmijëve të saj, të mbetur jetimë dhe të vetëm, pa asnjë përkrahje. Të bëhemi bashkë e tu blejmë një shtëpi për të mos i lënë në mëshirë të fatit! Ne nuk nuk e zvendësojmë dot nënën Denisë, por ne mund të bëhemi familja e fëmijëve të saj!”, thuhet në deklaratën e miqve të Denisa Dakës./ B.A. – CNA.al





Lajmet e fundit nga