web counter
LEXO PA REKLAMA!

SHKARKO APP

App Store
Google Play

“Hetimi i pastrimit të parave të jetë prioritet”/ Lala: 300 milionë euro të sekuestruara, mes emrave Veliaj dhe zyrtarë të tjerë

2026-01-12 22:38:00, Aktualitet CNA

“Hetimi i pastrimit të parave të jetë prioritet”/

Gazetarja Klodiana Lala është shprehur mbrëmjen e sotme se Prokuroria e Posaçme duhet ta ketë prioritet hetimin e veprës penale të pastrimit të parave. Në një dalje televizive, Lala tha se në Shqipëri nuk ka histroik të mirë të pastrimit të parave pasi sipas saj është një vepër komplekse.

Ajo theksoi se hetimi i pastrimit të parave duhet të jetë prioritet sidomos në rastin e zyrtarëve që dënohen apo hetohen për korrupsion.

“SPAK duhet ta ketë pritoritet hetimin ose përpjekjen për të kthyer pas parave e vjedhura shqiptarëve. Zoti Braho tha se do ta ketë fokusin te lufta kundër korrupsionit dhe pastrimit të parave.  Ne nuk kemi historik të mirë të pastrimit të parave sepse është vepër komplekse.

Pastrimi i parave fillon që nga ndërtimi dhe më pas në të gjitha format e mundshme. Tani ka hyrë kriptomonedha. Kështu në disa raste nuk është vetëm mungesa e dëshirës por është pamundësia e SPAK për të hetuar disa raste të pastrimit të parave që janë me teknika innovative. Megjithatë duhet të jetë prioritare sidomos në rastin e zyrtarëve. Në momentin që e dënon për veprën penale të korrupsionit atëherë automatikisht duhet hetuar edhe pastrimi i parave”, tha Lala.

Gazetarja u shpreh gjithashtu se janë 300 milionë euro të sekuestruara dhe konfiskuara në radhët e zyrtarëve të lartë, si rasti i Erion Veliajt, Arben Ahmetajt, Ilir Metës apo Lefter Kokës. Ajo shtoi se për çdo procedim ka patur edhe hetim pasuror paralelisht

“Janë 300 mln euro të sekuestruara dhe konfiskuara në radhët e zyrtarëve të lartë, si në rastin Veliaj, Ahmetaj, Koka, Meta. Janë sekuestruar anëtarëve të grupeve kriminale e krerëve të tyre. Për çdo procedim ka patur edhe hetim pasuror paralelisht”, u shpreh Lala. /CNA





15:24 TODAY

Dosja

Jamarbër Malltezi ka dhënë një deklaratë për mediat pas da...

Lajmet e fundit nga