web counter
LEXO PA REKLAMA!

SHKARKO APP

App Store
Google Play

Emërimi i Ballës si ministër i Brendshëm/ Arsen Rusta: Nuk e shoh afatgjatë

2023-07-09 11:21:00, Aktualitet CNA
Emërimi i Ballës si ministër i Brendshëm/ Arsen Rusta: Nuk e
Arsen Rusta

Gazetari Arsen Rusta, ka komentuar ngjarjet e bujshme të kësaj jave, duke nisur nga rrahja brutale e fisit Rraja ndaj dy personave të familjes Maja e deri tek shkarkimi i ministrit Bledi Çuçi dhe emërimi i Taulant Ballës në pozicionin e ministrit të Brendshëm.

Gjatë intervistës Rusta është shprehur se i vetmi minister që ka arritur të plotësojë mandatin ka qenë Saimir Tahiri, ndërsa deklaron se nuk e sheh Ballën si një ministër afatgjatë.

Rusta tha se Bledi Çuçi bëri aq sa mundi, por ai nuk ka qenë personi i duhur për punën e strukturës së policisë.

“Në mendimin tim i vetmi që ka thyer mallkimin apo ka kaluar vijën ndarëse mes marrjes më qafë dhe bërjes së një karriere politike, ka qenë Saimir Tahiri. Gjithë të tjerët e kanë lënë përgjysmë mandatin. Dikush 6 muaj, 1 vit, 2 vjet. Por mandate të plota vetëm ai ka patur, nuk e di se çfarë do ndodh me Taulant Ballën nuk e shikoj një ministër afatgjatë.

Bledi Çuçi në vlerësimin tim për anën menaxheriale për anan politik-bërëse mund të ketë qenë në rregull, por nga ana e terrenit nga ana e intereseva ose e mbajtjes në punë të strukturës së policisë për afro 10 mijë trupa nuk ka qenë i duhuri”,tha gazetari Arsen Rusta./ CNA





Lajmet e fundit nga