web counter
LEXO PA REKLAMA!

SHKARKO APP

App Store
Google Play

E fundit!

x

Inflacioni në rritje/ Shporta bazë dhe kostot e banesës rendin drejt shtrenjtimit

8 Korrik 2026, 14:24, Ekonomi CNA

Inflacioni në rritje/ Shporta bazë dhe kostot e banesës rendin

Të dhënat më të fundit të publikuara nga Instituti i Statistikave për muajin qershor konfirmojnë një tendencë shqetësuese të rritjes së kostos së jetesës, ku norma e inflacionit është ngjitur në 3,2%, krahasuar me 2,4% të të njëjtit muaj një vit më parë.

Kjo rritje vjetore dëshmon se presioni i çmimeve mbetet i lartë, pavarësisht një uljeje të lehtë prej 0,1% krahasuar me muajin maj.

Inflacioni në rritje/ Shporta bazë dhe kostot e banesës rendin

Shkaktarët kryesorë të kësaj rritjeje janë artikujt thelbësorë për mbijetesën e çdo familjeje, ku grupi "ushqime dhe pije joalkoolike" ka ndikuar me +1,02 pikë përqindje në inflacionin vjetor, ndërsa grupi "qira, ujë, energji elektrike, gaz dhe karburante të tjera" ka ndikuar me +0,96 pikë përqindje.

Përtej artikujve bazë, raporti nxjerr në pah rritje domethënëse vjetore në shërbime specifike, ku grupi "argëtim, sport dhe kulturë" kryeson me një rritje prej 6,1%, pasuar nga sigurimet dhe shërbimet financiare me 5,1%, si dhe qiraja, uji dhe energjia me 4,8%.

Inflacioni në rritje/ Shporta bazë dhe kostot e banesës rendin

Ndërsa shifrat vjetore tregojnë një rritje të çmimeve në transport me 3,2%, të dhënat mujore zbulojnë një ulje të ndjeshme prej 4% në këtë sektor krahasuar me majin.

Inflacioni në rritje/ Shporta bazë dhe kostot e banesës rendin

Megjithatë kjo ulje e përkohshme mujore nuk arrin të zbusë goditjen që po pëson konsumatori nga shtrenjtimi i shportës së ushqimeve dhe nevojave bazë jetike./ CNA





Lajmet e fundit nga