web counter
LEXO PA REKLAMA!

SHKARKO APP

App Store
Google Play

Banka e Shqipërisë jep njoftimin/ Ja afati i fundit për këmbimin e monedhave të dala nga qarkullimi

12 Dhjetor 2023, 16:09, Ekonomi CNA
Banka e Shqipërisë jep njoftimin/ Ja afati i fundit për
Banka e Shqipërisë

Banka e Shqipërisë ka nxjerrë një njoftim të rëndësishëm për të gjithë qytetarët, të cilët kanë ende kartëmonedha të dala nga qarkullimi.

Banka e Shqipërisë deklaron se ata persona që duan të këmbejnë monedha të vjetra me monedhat aktuale kanë afat deri në fund të këtij muaji.

31 dhjetori, deklaron BSH-ja, është afati i fundit për këmbimin e kartëmonedhave pa kurs ligjor dhe kjo mund të kryhet pranë çdo sporteli të bankave të nivelit të dytë.

Njoftimi i plotë:

Mbi afatin përfundimtar të këmbimit të disa kartëmonedhave pa kurs ligjor

Banka e Shqipërisë njofton publikun se bazuar në vendimin e Këshillit Mbikëqyrës të Bankës së Shqipërisë 17/2013 “Për shtyrjen e afatit të këmbimit të disa kartëmonedhave pa kurs ligjor”, data 31 dhjetor 2023 është afati i fundit për këmbimin e kartëmonedhave pa kurs ligjor si më poshtë:

- 100 Lekë, emetim i viteve 1993, 1994, 1996, imazhi i Luftëtarit Kombëtar;

- 100 Lekë, emetim i vitit 1996, imazhi i Fan S. Nolit;

- 200 Lekë, emetim i viteve 1992, 1994, 1996, imazhi i Ismail Qemalit;

- 500 Lekë, emetim i viteve 1991, 1992, 1993, 1996, 1997, imazhi i vajzës me lule dielli;

- 500 Lekë, emetim i viteve 1992, 1994, 1996, imazhi i Naim Frashërit; dhe

- 1000 Lekë, emetim i viteve 1992, 1994, 1995, 1996, imazhi i Skënderbeut.

Kartëmonedhat e mësipërme mund të vazhdojnë të këmbehen deri më datë 31 dhjetor 2023, pranë çdo sporteli të bankave të nivelit të dytë./ CNA

Banka e Shqipërisë jep njoftimin/ Ja afati i fundit për

Banka e Shqipërisë jep njoftimin/ Ja afati i fundit për





Lajmet e fundit nga