web counter
LEXO PA REKLAMA!

SHKARKO APP

App Store
Google Play

Reforma që nxori "gjyqtarë" që nuk kishin provuar kurrë peshën e firmës si juristë

9 Shkurt 2026, 08:19, Editorial CNA

Reforma që nxori "gjyqtarë" që nuk kishin provuar

Quhet Gent Ibrahimi!

Milioner nga prindërit ish-pronarë, por që gjatë regjimit kishin arritur të maskoheshin aq mirë si komunistë, saqë i ati arriti të bëhej sekretar i parë i Tiranës.

Kështu të maskuar e shtynë deri në vitin '91, se pastaj e rigjetën identitetin e ish-pronarit. Si tregtarë race, familja Ibrahimi kulmin e arriti kur arritën të privatizonin edhe një supervendstrehim pothuaj në mes të ish-Bllokut. Nuk duket se ku është sot, sepse ka pallat mbi të.

Ibrahimi Junior ka mbaruar arsimin e lartë juridik në vitin '91. Si djalë i babait që ishte, mos u ndalni kot të shqyrtoni listën e notave. Kishte baba çun!
Dita e parë e punës figuron si themelues OJQ. Nga ato që sot thirren OJF!

Jeta e Ibrahimit Junior kaloi mes fondesh e projektesh. Firma hidhej vetëm kur kërkoheshin projektet dhe sigurisht kur arkëtoheshin pagesat.

Askush nuk e di se sa duhet të ishte rroga si pronar OJQ-je që të mund të blije një supervilë atje ngjitur me TEG-un.
Punë me projekte, do të thotë asnjë përgjegjësi për produktin! Asnjë peshë për suksesin ose dështimin! Asnjë kontakt me aplikimin dhe zbatimin e ligjit! As të atyre për të cilat paguhej si ekspert dhe edhe më pak të të tjerave që s'u binte radha të lexoheshin.
Vazhdoi kështu deri ditën që u "përzgjodh" si ekspert i nivelit të lartë i reformës në drejtësi. E zgjodhi Fatmir Xhafaj, Rama, ose të dy bashkë. Pastaj Xhafaj, Rama ose të dy bashkë, ia shtruan rrugën drejt kryesimit të KLP e më pas drejt Gjykatës Kushtetuese.

Do ta kishin bërë edhe kryetar të gjykatës sikur të mos i dilnin ca llafe për punë noçke brenda ndërmarrjes.

Tani a mund ta kuptojmë kujt i qahet Rama për këta që sot duhet t'i ndajnë shapin nga sheqeri, SPAK-un nga GJKKO, drejtësinë nga ekzekutivi, pezullimin nga shkarkimi etj., etj.? Po Fatmir Xhafaj e dini gjë ku ka humbur? Apo ka marrë metrin e po mat oborret e gjykatave?
Njoftojeni që Rama po kërkon fajtorët! Mbase një herë në jetë, del dhe i vë gjoksin topit.

Një herë vdes burri! Ai që është burrë sigurisht!/CNA





Lajmet e fundit nga