web counter
LEXO PA REKLAMA!

SHKARKO APP

App Store
Google Play

Trafikimi i mbetjeve toksike/ PD: Skandali që përfshin kompaninë Sokolaj dhe autoritetet

20 Tetor 2024, 17:04, Denoncim CNA
Trafikimi i mbetjeve toksike/ PD: Skandali që përfshin kompaninë
Zëdhënësja e Antokorrupsionit në PD, Genta Vangjeli

PD i është rikthyer skandalit të mbetjeve toksike, duke theksuar se edhe pse kryeministri Edi Rama e mohon, Shqipëria është e përfshirë në trafikun ndërkombëtar të lëndëve të rrezikshme.

Zëdhënësja e Antokorrupsionit në selinë blu, Genta Vangjeli ka deklaruar se bëhet fjalë për rreth 20 mijë ton mbetje të transportuara drejt Azisë.

Vangjeli ka treguar se përse rezultojnë të përfshira në këtë trafik, kompania Sokolaj dhe autoritetet shtetërore.

“Ministrja e Mjedisit Mirela Kumbaro, ka vendosur në dispozicion dokumentat respektive dhe ka bërë me dije KM, por kjo situatë i fshihen publikut për të mbrojtur trafikun e mbetjeve të rrezikshme.

Dy javë pas publikimit të skandalit Ministrja Kumbaro urdhëroi “Verifikimin e subjekteve që gjenerojnë mbetje industriale”, ku janë kontrolluar 26 subjekte.

Nga kontrolli i kompanisë Sokolaj, rezultoi se nuk janë 816 ton, por kjo kompani ka eksportuar nga Porti i Durrësit plot 20 mijë ton lëndë të rrezikshme të zhdukura pa destinacion, dhe me origjinë të panjohur, për të cilat kompania Sokolaj pretendon se i ka marrë nga Kurum.

Në konfirmim të inspektimit me urdhër të ministres Kumbaro, Ministria e Mjedisit, dha një tjetër detaj, që shtoi dyshimet për origjinën e 20 mijë ton mbetjeve të rrezikshme.

Rezultoi se kompania Kurum nuk kishte kontratë aktive për transferimin e mbetjeve të rrezkishme, ndaj dhe është gjobitur me 1.5 milionë lekë gjobë, dhe pezullimin e aktivitetit të transferimit deri në lidhjen e një kontrate. 

Kjo gjetje në Kompaninë Kurum, konfirmon se jo vetëm 816 tonët me destinacion Tajlandën, por edhe 20 mijë tonët e eksportuara nga Sokolaj, nuk mund të jenë marrë te Kurum, për sa kohë mes dy kompanive nuk ka një marrëveshje.

Trafikimi i mbetjeve toksike/ PD: Skandali që përfshin kompaninë

Edhe kompania Kurum, në një deklaratë për mediat u shpreh se 816 tonët me mbetje të rrezikshme nuk janë të sajat.

Ekspertët e mjedisit konfirmuan faktin se Shqipëria nuk mund të prodhojë një sasi të tillë mbetjesh

Nga të dhënat e Agjencisë Kombëtare të Mjedisit rezultoise: Mbetje të ngurta nga trajtimet e gazeve, qëpërmbajnë substanca të rrezikshme, të identifikuara  me Kodin 10 02 07*, në një vit, e gjithë industria shqiptare e marrë sëbashku prodhon 8.6 ton.

Dokumentat zyrtare të publikuara në emision ngarkojnëme përgjegjësi direkte MIE dhe autoritetin portual Durrës, si institucionet që do të duhet të kishin parandaluar këtë aferë.

Trafiku i mbetjeve të rrezikshme, duket se nuk është një histori e re për Shqipërinë”, është shprehur ajo.

Më tej, Vangjeli ka thënë se prej vitit 2020, është hartuar Dokumentin e Politikave Strategjike dhe Planin Kombëtar të Menaxhimit të Integruar të mbetjeve, ku pjesë e këtij studimi është edhe harta e zonave me ndotjen më të lartë nga mbetjet e rrezikshme.

Sipas këtij dokumenti, janë dhjetëra zona të ndotura në territorin e vendit, që prej vitesh janë kthyer në një rrezikpër jetën e qytetarëve, pasi këto mbetje nga shiu dhe uji përhapen në natyrë e gjallesa duke u kthyer në rrezik serioz për jetën e qyetarëve.

“Prej vitit 2020, Ministria e Mjedisit në bashkëpunim me gjermanët e GIZ kanë hartuar Dokumentin e Politikave Strategjike dhe Planin Kombëtar të Menaxhimit tëIntegruar të mbetjeve, ku pjesë e këtij studimi është edhe harta e zonave me ndotjen më të lartë nga mbetjet e rrezikshme.

Sipas këtij dokumenti, janë dhjetëra zona të ndotura në territorin e vendit, që prej vitesh janë kthyer në një rrezikpër jetën e qytetarëve, pasi këto mbetje nga shiu dhe uji përhapen në natyrë e gjallesa duke u kthyer në rrezik serioz për jetën e qyetarëve”, ka nënvizuar demokratja./ CNA





Lajmet e fundit nga