“T’ia mbledh nëna trurin me dorë”/ Sherri për tokën çon familjen në prag të vetëgjyqësisë

6 Mars 2024, 22:27, Denoncim CNA

“T’ia mbledh nëna trurin me dorë”/ Sherri për

Ylli Hoxhaj nga Fieri ankohet në emisionin “Stop” në Tv Klan se familja e xhaxhait të tij i ka thyer 38 fidanë ullinj. Shkak është bërë një konflikt për pronësinë e një are në fshatin Drizë. Ylli përfaqëson motrën e tij, e cila është pajisur me certifikatë pronësie në vitin 2023 për këtë pronë. Por, nusja e xhaxhait, Zyrako dhe e bija Elena, nuk e pranojnë këtë gjë.

Gazetari: Ylli pretendon që ullinjtë që janë këtu të shkulur ose të thyer i ka shkulur familja juaj, ndoshta vajza ka thënë.

Zyrako: Dëgjo prandaj po të thotë nëna ty që unë dua foto këtu të bëhet dhe ishalla o Zot, mbase i ka shkulur vetë ky e të dalë se vriten njerëz dhe filmohen se kush e ka vrarë. Unë dua foto këtu nëpër këto, kush i ka shkulur ullinjtë këtej që ta di unë se kush ka qenë ai person se ia kanë ngjitur çupës.

Gazetari: Do më thuash ti pretendimet e tua, ai ka të tijat.

Zyrako: Dëgjomë mua! Këtë tokë që po shkel ti tani është tokë e Zyrasë, e ka thurur zotëria. Që i rëntë mu në kokë Yllit! Yllit t’ia mbledh nëna trurin me dorë, kështu!

Elena: Ka vajtur në bashki, në bashki e ka marrë me certifikatë të rreme çdo gjë!

Ylli: Ti nuk po më lë mua!

Elena: Se ti më bëre një denoncim,më çove në polici! Unë nuk jam mësuar, të lutem unë ty!

Ylli: Jeni ju që më çuat mua në polici në fillim!

Elena: Ç’ke me mua ti o person? Nxore certifikatë të rreme!

Ylli: Në qoftë se unë kam certifikatë të rreme, unë vete direkt, që nesër në burg!

Elena: Të vesh vetë, t’i lidhësh duart kështu e të vesh! Jazëk të qoftë! Ia hodhe vëllait tim ti? Maskara!

Ylli: Po unë ça përfitimi kam?

Elena: Ti i ke prerë të gjitha këto dhe shënon Elenën atje!

Ylli: Po unë ça interesi kam që të pres ullinjtë?

Elena: Do pendohesh vonë Ylli!

Ylli: Unë se kush je ti të njoh shumë mirë!

Elena: Si jam?

Ylli: Të njoh shumë mirë se kush je ti!

Elena: E kam të bardhë këtë, nuk më nxihet kurrë, ti po e nxin!

Ylli: Brenda zemrën nuk ta shikon njeri ty!

Elena: Zemrën e kam të bardhë borë!

Ylli: Tani pse nuk pranoni ju të vijë komuna?

Elena: Ik merre ti!

Ylli: Jo, do ta merrni ju!

Madje nënë Zyrako, e ka paditur Yllin për pushtim toke dhe vetëgjyqësi, por gjykata e ka rrëzuar padinë duke i dhënë të drejtë Yllit. Edhe administratori i Njësisë Qendër pohon se Ylli është në të drejtën e tij të ligjshme, ndërsa nënë Zyrako duhet të aplikojë për saktësimin e kufirit, gjë që nuk e ka bërë. Konflikti është tejet i nxehtë, në kufijtë e vetëgjyqësisë.

Erald Qirio, administrator i Njësisë Qendër: Po ti nuk ke faturuar shërbimin.

Elena: Po ça shërbimi thua, ore Erald?! Ça faturimi kërkon ti, o Erald?! Ti erdhe vetë me Yllin këtu!/tvklan.al