LEXO PA REKLAMA!

SHKARKO APP

Policia gjoba bizneseve?/ Denoncimi: Për ndërtimet pa leje marrin deri në 200 mijë euro

23 Shkurt 2023, 20:11, Denoncim CNA
Policia gjoba bizneseve?/ Denoncimi: Për ndërtimet pa leje marrin deri
Foto ilustruese

Një denoncim i fortë është bërë mbrëmjen e sotme nga kryetari i Partisë Demokratike, Sali Berisha.

Gjatë një takimi me drejtuesit e departamenteve të PD-së, Berisha tregoi se si policia po gjobit bizneset në fushën e ndërtimit.

Sipas tij, për një ndërtin pa leje bizneset i paguajnë gjobë policisë deri në 200 mijë euro.

“Unë njoh shumicën dhe prapa jush shoh problematikat e tmerrshme me të cilën përballet sot, sektori juaj, kudo. Këto problematika kanë nevojë për një përgjigje emergjente. Secili nga ju krahas programit afatmesëm afatgjatë duhet të ketë paketën e emergjencës, sepse Shqipëria absolutisht në çdo fushë po rrënohet.

Para 2 vitesh një studim i Bankës Botërore tregonte se Shqipëria zinte vendin e tretë në botë për ryshfetin. Ju garantoj që sot duhet të jetë vendi i parë me distancë. Ju nuk mund të imagjinoni se për çdo ndërtim pa leje i paguhet gjoba policisë, që shkon në 100, 200 mijë sipas ndërtimit. I paguhet tatimeve, i paguhen taksave. Shqiptarët janë në një sistem gjobëvënie të tmerrshme”, theksoi kryedemokrati./ B.A. – CNA.al

Lajmet e fundit nga