LEXO PA REKLAMA!

SHKARKO APP

“Shteti më njeh si grua të martuar”/ Vonesa e gjyqit për divorc lë nënën e 3 fëmijëve pa mbështetje

10 Shkurt 2023, 21:47, Denoncim CNA
“Shteti më njeh si grua të martuar”/ Vonesa e gjyqit
Foto ilustruese

Emisioni investigativ “Stop” në Tv Klan ka udhëtuar drejt fshatit Veleshnjë të Beratit për t’u takuar me Anxhela Likaj, e cila prej vitit 2018 është zhvendosur në familjen e prindërve. Prej vitesh ajo pret vendimin përfundimtar të gjykatës për zgjidhjen e martesës.

Gjykata e Beratit e ka bërë zgjidhjen e martesës duke ia lënë nënës fëmijët për rritje dhe edukim. Por ky vendim është apeluar nga bashkëshorti i zonjës, Besmir Likaj.

Gjatë kësaj kohe, Anxhela është e detyruar të mbajë fëmijët dhe prindërit dhe veten me 350 mijë Lekë të vjetra nga puna në një fasoneri. Ish-bashkëshorti nuk përgjigjet për asnjë detyrim për fëmijët.

Denoncuesja: Unë jam martuar me lajmësi në vitin 2009. Kam sjellë në jetë 3 fëmijë që janë të moshës 11, 10 dhe 7. Kjo martesë në fillim ka qenë martesë e zakonshme dhe më pas filloi alkoolin, më pas filloi një dhunë psikologjike ndaj meje dhe fëmijëve. Jam detyruar që të largohem dhe të vij këtu në shtëpinë e prindërve. Kam bërë apel për divorc në vitin 2019 dhe deri më sot nuk kam marrë një përgjigje. Thjesht kam marrë përgjigje nga Gjykata e Beratit, e cila kujdestarinë e fëmijëve ma ka lënë mua. Kam që në vitin 2018 që vazhdoj të jetoj në banesën e prindërve. Ai nuk i është përgjigjur detyrave si baba ndaj fëmijëve. Në fillim vinte tek shkolla, fëmijët nuk pranonin, kishin frikë dhe më pas është larguar, as komunikim dhe detyrim, asgjë. Nuk i kam mundësitë që të shkoj dhe në Vlorë. Në Berat kam shkuar vetë për çdo seancë sepse në Vlorë nuk i kam mundësitë që të shkoj. 

Jemi 8 pjesëtarë familjeje. Jam unë, prindërit, vëllai me gjithë nusen dhe unë me 3 fëmijët. Të ardhurat e familjes janë rroga ime dhe për momentin ka filluar dhe vëllai punë, ai mbulon shpenzimet e veta dhe të bashkëshortes së tij. Unë punoj në një fasoneri dhe pagesa varion nga 330 deri në 380 mijë Lekë në muaj.

Unë mbuloj shpenzimet kryesore, ushqimet, ndonjë veshje të fëmijëve kur kam mundësi, gjërat më kryesore. Fëmijët për shembull duan kurs për anglisht, por rruga e kursi duan Lekë dhe unë nuk jua plotësoj dot. Fëmijët këtë e kanë dëshirën më të madhe. Nuk po arrij dot të marr asnjë ndihmë, as një asistencë për fëmijët, asnjëlloj gjëje sepse prej 4 vitesh, përgjegjësinë e fëmijëve e kam mbi vete, babai nuk përgjigjet për asnjëlloj gjëje dhe shteti më njeh si një grua të martuar. “Stop” iu drejtua Shërbimit Social Berat, ku takua me drejtorin Piro Xheblati. Ai shpjegoi përfitimet që i takojnë një gruaje kryefamiljare, si ndihmë ekonomike apo bonus qiraje. Por për fat të keq, Anxhela Likaj penalizohet pasi zyrtarisht figuron e martuar.

Piro Xheblati – Drejtor i Shërbimit Social: Çdo zonjë kryefamiljare mund të aplikojë për ndihmë ekonomike nëse ka vështirësi ekonomike dhe ka pamundësi ekonomike. Gjithashtu edhe ne në kriteret tona vendore që përdorim për mbështetje me ndihmë ekonomike kemi rankuar nga të parët gratë kryefamiljare dhe nënat kryefamiljare. Në buxhetin që ka Drejtoria e Shërbimit Social, si nga të paktat bashki, kemi një fond të dedikuar për gratë kryefamiljare, gratë viktima të dhunës, nënat me shumë fëmijë e të gjitha me radhë. Një pikë shumë e rëndësishme që mund të adresojë dhe që dua të informoj të gjithë popullatën, sidomos gratë dhe nënat kryefamiljare. Është planifikimi për bonus qiraje ose banesa sociale. Ne kemi marrëveshje të shumta me organizata që në fokus të tyre kanë mbështetjen e grave të cilat po në të njëjtën kohë lehtësojnë të gjitha shpenzimet gjyqësore. Një nënë e vetme ose një vajzë e vetme tek ne ka të gjithë mbështetjen për të marrë të gjitha shërbimet me të cilat ajo mund të integrohet dhe të ketë një jetë sociale dhe ekonomike sa më të mirë./tvklan.al

Lajmet e fundit nga