LEXO PA REKLAMA!

SHKARKO APP

Kërkoi paradhënie për shitjen e bebes së palindur/ Babai: Do bëjmë lindje të parakohshme

7 Shkurt 2023, 22:02, Denoncim CNA

Kërkoi paradhënie për shitjen e bebes së palindur/ Babai: Do

Rasti i mbrëmshëm i denoncuar në Fiks Fare ku dy prindër bënin “biznes” me fëmijën e palindur  duke e shituar për 5000 euro, të tjera detaje u publikuan mbrëmjen e së martës.

Babai i fëmijës, sapo ka mësuar se nusja e tij ishte 7- muajshe shtatzënë dhe kishte djalë është shprehur se bashkëshortja e tij do lindë brenda muajit. Kjo me pretekstin se gruaja e tij i lindë fëmijët shtatanik. Ndërkohë  që më parë ai i kishte kërkuar të infiltruarit të Fiksit një parapagesë. Gjë  të cilën ky i fundit  nuk ia dha, sepse që në fillim me Nuredinin kishin rënë dakord që pas lindjes së foshnjës do të kryhej edhe pagesa prej 5 mijë eurosh. Por i infiltruari i Fiksit kërkoi që foshnja të lindë 9- muajsh, duke mos ndërhyrë në barrën e të shoqes.

Kërkoi paradhënie për shitjen e bebes së palindur/ Babai: Do

Dy ditë më vonë, Embrah Nuredini, ka kontaktuar sërish me të infiltruarin e “ Fiks Fare” duke i kërkua një takimin urgjent. Takim i cili është kryer në afërsi të Urës Dajlanit, ku dy bashkëshortët Nurdini jetonin me  5 fëmijët e tyre. Embrah iu drejtua të infiltruarit të Fiksit se  gruan do ta dërgonte në Rrapishtë të Elbasanit. Atje i kishte rekomanduar një i njohur i tij që është një grua e vjetër, që i bën gratë të lindin  para kohe,  saktësisht në muajin e shtatë.

Edhe pse nuk e ka të sigurt këtë, ai shprehet se është i vendosur për ta dërguar bashkëshorten atje, për të lindur fëmijën. Në një kohë që ajo nuk ka shfaqur asnjë shqetësim për shtatëzaninë e saj. Duke parë insistimin e vazhdueshëm të tij për lindjen e parakohshme të fëmijës,  gazetarët kanë insistuar në një lindje normale të nënës në muajin e nëntë të shtatzënisë së saj. Gazetarë janë shprehur se “ nëse fëmija nuk lindë nëntë muajsh ata do të tërhiqen për blerjen e fëmijës”.

Kërkoi paradhënie për shitjen e bebes së palindur/ Babai: Do

Kjo ka bërë që babai i fëmijës të tërhiqej për momentin, duke kërkuar gjysmën e shumës së parave që ai kishte rënë dakord për shitjen e fëmijës. Ndërsa pjesën tjetër pas lindjes së fëmijës.

Disa orë pas transmetimit të investigimit të mbrëmshëm në Fiks Fare të rastit ku prindërit Nuredini bën pazare për  shitjen e  foshnjës së palindur 5 mijë euro,  menjëherë ka reaguar Policia e Durrësit  duke proceduar penalisht për trafikim të të miturve çiftin Nuredini.

Kërkoi paradhënie për shitjen e bebes së palindur/ Babai: Do

Babai Embrah Nuredinit është arrestuar në flagrancë, ndërsa për nënën shtatzënë ka nisur procedimi në gjendje të lirë.

Materialet hetimore i kaluan Prokurorisë pranë Gjykatës së Rrethit Gjyqësor Durrës, për veprën penale ” Trafikim i të miturve”, mbetur në tentativë./ tch

Kërkoi paradhënie për shitjen e bebes së palindur/ Babai: Do

Kërkoi paradhënie për shitjen e bebes së palindur/ Babai: Do

Lajmet e fundit nga