web counter
LEXO PA REKLAMA!

SHKARKO APP

App Store
Google Play

E fundit!

x

Veliaj tërheq zvarrë Bashkinë e Tiranës

2 Shkurt 2026, 20:49, Aktualitet CNA

Veliaj tërheq zvarrë Bashkinë e Tiranës

Mund të duket e pabesueshme apo qesharake, por kryebashkiaku i Tiranës Erion Veliaj, i cili ndodhet në burg për 13 akuza të rënda penale, po tërheq zvarrë institucionin, ku ai ka kryer një sërë veprash penale, për të cilat është hetuar nga SPAK-u dhe ndodhet në gjykatë.

Burime zyrtare i thanë CNA-së se padia e bërë në Gjykatën Administrative kundër prokurorit Ols Dado, përfshin aty brenda Bashkinë e Tiranës.

Sipas të dhënave që ka siguruar CNA, por raportuar dhe në mediat e tjera, Gjykata Administrative i ka kthyer padinë kryebashkiakut Veliaj dhe Bashkisë së Tiranës për plotësim dokumentacioni.

Sipas të dhënave të siguruara, konfirmohet se në padi është përfshirë Bashkia e Tiranës. Çfarë pune ka Bashkia e Tiranës që çon në një padi administrative një prokuror?

Së dyti, në krye të Bashkisë së Tiranës aktualisht ndodhet Anuela Ristani, e cila është e deleguar me firmë dhe me vulë.

Ndërkohë që bëhet një padi në një gjykatë administrative dhe sërish përdoret emri i Bashkisë  së Tiranës.

Erion Veliaj nuk ka të drejtë të përdorë vulën e Bashkisë së Tiranës, për sa kohë ky institucion drejtohet nga Anuela Ristani, e cila ka marrë detyrën e kryetares së Bashkisë dhe përdor vulën.

Si mundet Erion Veliaj nga burgu të përdorë vulën kur nuk është kryetar në detyrë, por e ka deleguar pozicionin e tij?

Dhe për këtë arsye Gjykata Administrative ia ka kthyer për plotësim procesin administrativ që ka hapur kryebashkiaku Veliaj. E ka bërë vetë, e ka bërë bashkia, janë lojërat e tij apo të dikujt tjetër, e vërteta është shumë e thjeshtë.

A do ta dorëzojë Bashkia e Tiranës dhe Anuela Ristani vulën tek Erion Veliaj në burgun e Durrësit? Apo në bazë të ligjit, ashtu siç e ka marrë detyrën do vazhdojë ta zbatojë atë. Është shumë e thjeshtë.

Askush nuk mund të firmosë padi në emër të Bashkisë së Tiranës, as Erion Veliaj vetë në momentin që ai ka deleguar detyrën si kryetar bashkie. Në momentin kur ai delegon detyrën, personi përgjegjës i cili ka marrë përsipër zbatimin e saj, është ai që përdor vulën dhe firmën.

Tani, shumë thjesht i bie që paditë t’i bëjë Erion Veliaj nga burgu dhe vula dhe firma të përdoret e Anuela Ristanit. Ose në çdo bashki tjetër, kur delegohet detyra, të fillojë çdo zyrtar i deleguar të firmosë dhe vulosë padi për të cilat ndoshta dhe s’ka dijeni fare. Por kjo i përket një tjetër investigimi.

Tashmë është e qartë. Skemat vazhdojnë dhe Erion Veliaj nga burgu i Durrësit porosit padi dhe i vendos emrin e institucionit, ndërkohë që e çon pa vulë. Përfshin institucionin, por në fakt, se çfarë lidhje ka një bashki dhe një ministri me një prokuror të caktuar i cili ka hetuar, apo me disa prej tyre.

Kjo është vetëm në mendjet e sëmura të taktikave të personave të korruptuar të cilët duan t’i shmangen drejtësisë dhe me procedura dhe teknikalitete, në vend që të shkojnë dhe të provojnë pafajësinë e tyre, gjejnë instrumenta për të krijuar konfuzitet, rrëmujë.

Nga ana tjetër ndoshta dhe për të përfshirë në përgjegjësi penale zyrtarë të cilëve u është deleguar detyra./CNA





Lajmet e fundit nga