web counter
LEXO PA REKLAMA!

SHKARKO APP

App Store
Google Play

E fundit!

x

Veliaj e donte ministër Drejtësie/ “Vetting”-u shkarkon kreun e KLP-së

21 Maj 2024, 16:37, Aktualitet CNA

“Vetting”-u ka “djegur” këtë të martë kreun e KLP-së, Alfred Balla. Trupa e Kolegjit të Posaçëm të Apelimit shkarkoi nga detyra dhe përjashtoi kreun e KLP-së për 15 vjet nga sistemi i drejtësisë, ndonëse më parë ai i kishte shpëtuar “vetting”-ut duke bërë manovra.

Tashmë është e qartë, amerikanët vonojnë por nuk harrojnë.

Alfred Balla është një nga misionarët e Rilindjes kundër SPAK-ut dhe institucioneve të pavarura, në luftën e nisur nga grupi anti-SPAK, enveristët dhe 99-çat, që kryebashkiaku Erion Veliaj donte ta bënte ministër Drejtësie.

Lufta anti-SPAK dhe roli i Alfred Ballës

Rilindja po tenton të ngrejë një komision për të thirrur në apel SPAK-un. Një nga skenarët e enveristit Fatmir Xhafaj që qëndron në krye të luftës ndaj SPAK-ut dhe kryebashkiakut të Tiranës, Erion Veliaj ishte dhe goditja ministrit të Drejtësisë, Ulsi Manja.

Veliaj e donte ministër Drejtësie/ “Vetting”-u shkarkon
Fatmir Xhafaj dhe Erion Veliaj

Dhe këtu hyn pikërisht në skemë kreu i KLP-së.

Alfred Balla është personi që Veliaj kishte si synim për ta bërë ministër të Drejtësisë dhe për të zëvendësuar Ulsi Manjën.

Kështu, Veliaj me enveristët dhe 99-çat, së bashku me Alfred Ballën do të nisnin një luftë të ashpër për të kontrolluar SPAK-un.

Veliaj e donte ministër Drejtësie/ “Vetting”-u shkarkon
Alfred Balla

“Guri rezervë” i Veliajt ra “dëshmor” nga procesi i “vetting”-ut dhe u nxor nga sistemi i drejtësisë për 15 vjet.

Alfred Balla është personi që Veliaj donte ta bënte ministër drejtësie për ta vendosur kundër Altin Dumanit.

Pasi dështoi që të mundte Altin Dumanin me vota në KLP, Alfred Balla zgjodhi ta mbështesë kreun e SPAK-ut, por nuk mundi ta bënte as këtë. Pra, as Altin Dumanin nuk e mundi dot kur kandidoi për kreun e SPAK-ut, as nuk e mbështet dot si ministër drejtësie.

Si kandidat i Erion Veliajt, tashmë Balla u përjashtua nga sistemi i drejtësisë nga “vetting”-u. Tashmë është i shkarkuar sepse është një person që nuk ka bërë vetting dhe është një nga njerëzit e Erion Veliajt që iu bashkua luftës kundër Altin Dumanit, për të ndalur betejat e SPAK-ut kundër krimit të organizuar dhe korrupsionit.

Alfred Balla, që me aq shumë manovra tentoi të dalë pa u lagur nga procesi i rivlerësimit të pastërtisë së figurës, pasurisë dhe aftësisë profesionale, në fund humbi betejën në “vetting”./ CNA





Lajmet e fundit nga