LEXO PA REKLAMA!

SHKARKO APP

U kap me 4 pako ekstazi në makinë/ Arrestohet në Morinë 33-vjeçari me banim në Zvicër

3 Qershor 2023, 10:07, Aktualitet CNA

Vihet në pranga nje 33-vjeçar teksa tentoi të trafikonte lëndë narkotike në Shqipëri.

Shërbimet e Policisë Kufitare Morinë, në vijim të punës për parandalimin dhe goditjen e krimeve kufitare, bazuar në inteligjencën informative dhe në analizën e riskut, në hyrje të Republikës së Shqipërisë, kanë kaluar në vijë të dytë, për kontroll më të imtësishëm, një automjet taksi.

Gjatë kontrollit të ushtruar në vijën e dytë, në automjetin taksi në të cilën udhëtonte si pasagjer shtetasi A. B., shërbimet e Policisë gjetën dhe sekuestruan 4 pako me lëndë të dyshuar narkotike ekstazi.

Në përfundim të veprimeve hetimore, specialistët për Hetimin e Trafiqeve të Paligjshme dhe Narkotikëve të DVP Kukës arrestuan në flagrancë shtetasin Amir Bunjaku, 33 vjeç, banues në Zyrih, për veprën penale “Trafikimi i narkotikëve”.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Kukës, për veprime të mëtejshme./CNA.al

Lajmet e fundit nga