web counter
LEXO PA REKLAMA!

SHKARKO APP

App Store
Google Play

E fundit!

x

U dekorua si Oficeri i Madh në “Urdhrin Suprem të Shqiponjës”/ Historiani Aurel Plasari: Vlerësim për kontributin 50-vjeçar

12 Dhjetor 2025, 14:50, Aktualitet CNA
U dekorua si Oficeri i Madh në “Urdhrin Suprem të
Historiani Aurel Plasari

Në aktivitetin për 100-vjetorin e “Urdhrit të Skënderbeut” u dekoruan disa personalitete të rëndësishme të vendit mes tyre dhe historiani e profesori i njohur Aurel Plasari, i cili u dekorua me medaljen Oficeri i Madh në “Urdhrin Suprem të Shqiponjës”.

Pas marrjes së medaljes, Plasari mbajti edhe fjalën e tij, ku tha se ky 100-vjetor është emocionues. Historiani theksoi se me këtë dekorim është kujtuar kontributi i tij prej 50 vjet në kulturën shqiptare.

“Rëndësia më e madhe e mbrëmjes së sotme është 100-vjetori, shteti shqiptar ka qenë me fat t’i themelojë urdhrat e tij nën këtë urdhër. Do t'ju them dhe një kuriozitet, ka qenë ëndërr e Faik Konicës, që në kohën e Turqisë, kur Konica themeloi çmimin 'Skënderbeu', u shpall personaliteti, por nuk u dha emri. Konica i shkruante mikut të tij, At Pashko Bardhit, që kur të vijë koha të themelohet një shtet, shqiptarët duhet të krijojnë një urdhër me emrin e Skënderbeut, jo me emra shenjtorësh. I takon Skënderbeut të jetë Urdhri i Parë kur ne të kemi shtetin shqiptar. Në këtë kuptim është emocionues ky 100-vjetor. Me këtë dekorim më keni kujtuar kontributin prej 50 vjetësh në kulturën shqiptare”, tha Plasari.

Pas marrjes së medaljes së rëndësishme, historiani Aurel Plasari falënderoi të gjithë dashamirësit për urimet.

Plasari sqaroi se: “Oficer i Madh në 'Urdhrin Suprem të Shqiponjës' nuk është gradë ushtarake. Kalorës, Oficer i Madh dhe Oficer janë rangje në urdhrat e traditës. 'Urdhri Suprem i Shqiponjës' është pikërisht një urdhër tradite, i themeluar nga Princi Zu Wied gjatë sundimit të tij jetëshkurtër, më i hershmi urdhër nderimi i shtetit shqiptar. Pas tij, më 1925, është themeluar 'Urdhri Skënderbeu' etj”.

Historiani shtoi se medalja i është dhënë në vlerësim të një kontributi poliedrik mbi 50-vjeçar, unikal për nga prurjet në fushat kryesore të mendimit, si dhe të kërkimit shkencor në Shqipëri dhe më gjerë, në Europën Juglindore, duke krijuar një trashëgimi të vyer dhe duke çelur perspektiva shumë premtuese në fushën e letrave, publicistikës, përkthimit dhe, mbi të gjitha, në lëmin e albanologjisë.

Reagimi i historianit dhe profesorit të njohur Aurel Plasari.

FALËNDERIME

Nuk di në munda t'i falënderoj të gjithë miqtë dhe dashamirët që më kanë uruar me 'sms' në "Messenger", "WhatsApp", "Viber" etj., për dekorimin. Ndiej detyrim t’i falënderoj përmbledhtazi këtu.

Për ndonjë mik që ka bërë humor:

Oficer i Madh në “Urdhrin Suprem të Shqiponjës” nuk është gradë ushtarake. Kalorës, Oficer i Madh dhe Oficer janë rangje në urdhrat e traditës. “Urdhri Suprem i Shqiponjës” është pikërisht një urdhër tradite, i themeluar nga Princi Zu Wied gjatë sundimit të tij jetëshkurtër, më i hershmi urdhër nderimi i shtetit shqiptar. Pas tij, më 1925, është themeluar “Urdhri Skënderbeu” etj.

Motivacioni joushtarak në këtë rast:

“Në vlerësim të një kontributi poliedrik mbi 50-vjeçar, unikal për nga prurjet në fushat kryesore të mendimit, si dhe të kërkimit shkencor në Shqipëri dhe më gjerë, në Europën Juglindore, duke krijuar një trashëgimi të vyer dhe duke çelur perspektiva shumë premtuese në fushën e letrave, publicistikës, përkthimit dhe, mbi të gjitha, në lëmin e albanologjisë”.

Nderimet e mëparshme kanë qenë vlerësime me akordim dekoratash: “Nderi i Kombit” (2014) dhe “Gjergj Kastrioti Skënderbeu” (2022), ndryshe nga akordimi i rangjeve në sistemin e Urdhrave. 

Mes urimeve të tjera, trëndafilat e bardhë nga Gjermania e meritojnë një foto me falënderim të veçantë.

fb a.p./ CNA





Lajmet e fundit nga