web counter
LEXO PA REKLAMA!

SHKARKO APP

App Store
Google Play

E fundit!

x

Dumani për korrupsionin: Lufta kundër fenomenit detyrë e gjithë shoqërisë, jo vetëm e SPAK-ut

12 Dhjetor 2025, 12:41, Aktualitet CNA

Dumani për korrupsionin: Lufta kundër fenomenit detyrë e

Kreu aktual i SPAK-ut, Altin Dumani, gjatë një takimi me studentët e Universitetit “Aleksandër Moisiu” në Durrës, ka folur për korrupsionin duke e quajtur një fenomen që gërryen në heshtje.

Dumani theksoi se korrupsioni nuk është thjesht një shkelje e ligjit, por shkelje e të drejtave të njeriut, e besimit të publikut dhe cenim i dinjitetit të qytetarëve.

Kreu i SPAK-ut nënvizoi se lufta kundër këtij fenomeni nuk është vetëm detyrë e institucionit, por të gjithë shoqërisë.

“Është kënaqësi dhe përgjegjësi e madhe të jem në këtë aktivitet ku në qendër janë studentët, të cilët përfaqësojnë energjinë, forcën e ndryshimit dhe potencialin për ndryshime pozitive që i duhen vendit tonë.

Fjalët kanë peshë kur flasim për integritet dhe përgjegjësi; ato duhet të jenë në themel të një shoqërie të drejtë, të barabartë, me institucione që funksionojnë.

Nëse flasim për korrupsionin, ai është një fenomen që na gërryen në mënyrë të heshtur, na bën të humbim shpresën dhe krijon një realitet ku talenti dhe puna e palodhur janë të pavlera dhe përparimi është i mjegullt.

Korrupsioni nuk është thjesht shkelje e ligjit, por shkelje e të drejtave të njeriut, besimit të publikut dhe cenim i dinjitetit të qytetarëve.

Lufta kundër këtij fenomeni nuk është vetëm detyrë e institucionit që drejtoj, SPAK-ut, por e gjithë shoqërisë. Nëse refuzohet ky realitet, brenda jush do të gjeni forcën për ta përmirësuar”, u shpreh Dumani./ CNA





Lajmet e fundit nga