LEXO PA REKLAMA!

SHKARKO APP

Tentoi të fuste ilegalisht në vendin tonë 25 000 franga zvicerane/ Procedohet penalisht 40-vjeçari

5 Nëntor 2023, 13:23, Aktualitet CNA
Tentoi të fuste ilegalisht në vendin tonë 25 000 franga
Paratë e sekuestruara në cilësinë e provës materiale

Një 40-vjeçar është proceduar penalisht pasi tentoi të fuste ilegalisht në vendin tonë, 25 000 franga zvicerane.

Në hyrje nga Policia Kufitare e Morinës, me fokus parandalimin dhe goditjen e paligjshmërive në kufi, në hyrje të RSh-së, është kaluar në vijën e dytë, për kontroll të detajuar, shtetasi O. A.

Gjatë kontrollit fizik dhe kontrollit në çantën e këtij shtetasi, shërbimet e Policisë gjetën 25 000 franga zviceriane, të cilat shtetasi O. A., po tentonte t’i fuste në vendin tonë, pa i deklaruar konform ligjeve në fuqi.

Nisi procedimi në gjendje të lirë për shtetasin O. A., 40 vjeç, banues në Vlorë, për veprën penale "Mosdeklarimi në kufi i të hollave dhe i sendeve me vlerë".

Gjithashtu, në cilësinë e provës materiale u sekuestrua shuma e parave.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Kukës, për veprime të mëtejshme./ CNA

Lajmet e fundit nga