Të etur pas dosjeve "të nxehta"/ Kush janë prokurori dhe gjyqtarja që "mbërthyen" pronën e burrit të Xhaçkës

26 Tetor 2023, 14:04, Aktualitet CNA

Të etur pas dosjeve "të nxehta"/ Kush janë prokurori

Olsi Dado, Artan Gaçi dhe Rudina Palloj

CNA ka siguruar ekskluzivisht vendimin e Gjykatës së Posaçme të Shkallës së Parë për sekuestrimin e pronës në Palasë të bashkëshortit të ish-ministres së Jashtme, Olta Xhaçka.

Vendimi për sekuestrimin e pronës së Artan Gaçit është marrë më 28 shtator nga gjyqtarja Rudina Palloj. Hetimet dhe kërkesa për sekuestrimin e pronës janë bërë nga prokurori Ols Dado.

Kush është prokurori Ols Dado?

Fillimisht Dado ka punuar si noter. Më pas ai e vijoi karrierën si prokuror i thjeshtë në Pogradec në vitin 2008. Në vitin 2010 Dado u transferua në Prokurorinë e Rrethit Gjyqësor Tiranë, ndërsa prej vitit 2020 u komandua në Prokurorinë e Përgjishme si ndihmësmagjistrat.

Ols Dado

Prokurori Olsi Dado kalon Vettingun/ Kreu i Dekriminalizimit në Prokurorinë e Përgjithshme, konfirmohet në detyrë
3 Nëntor, 10:22

Më pas, në mars të 2023-shit, ai u komandua si prokuror pranë Prokurorisë së Posaçme SPAK. Komandimi i tij pranë SPAK-ut u bë me kërkesë të Altin Dumanit, kreut të kësaj stukture.

Aktualisht, Dado kërkon të emërohet në SPAK.

Me kërkesë të Dumanit/ Olsi Dado është prokurori që i shtohet SPAK-ut
15 Mars, 11:56

Këshilli i Lartë i prokurorisë njoftoi pak javë më parë se janë regjistruar kandidaturat e para për emërimin e prokurorëve në tri vendet vakante në SPAK. Një nga kandidatët është Ols Dado. Theksojmë se prokurori ka kaluar me sukses procesin e Vetting-ut.

Kush është gjyqtarja që sekuestroi pronën e burrit të ish-ministres?

Rudina Palloj

Në janar të 2022-shit Komisioni i Pavarur i Kualifikimit njoftoi vendimin e konfirmimit në detyrë për gjyqtaren Rudina Palloj pasi rivlerësimi në të tria kriteret e gjeti atë pa probleme.

Rudina Palloj përfundoi studimet në Shkollën e Magjistraturës në vitin 2011 dhe punoi fillimisht si gjyqtare në Gjykatën e Korçës.

Në vitin 2014, ajo ushtroi funksionin si gjyqtare në Gjykatën e Rrethit Berat. Më pas ajo u bë pjesë e Këshillit të Lartë Gjyqësor dhe tashmë është pjesë e saj. Ndaj saj nuk rezulton të ketë ndonjë denoncim apo masë disiplinore.

Duhet të theksojmë se Rudina Palloj vendosi që në shkurt të 2023-shit fillimin e gjykimit për dosjen e inceneratorit të Elbasanit./CNA