web counter
LEXO PA REKLAMA!

SHKARKO APP

App Store
Google Play

E fundit!

x

Si hakerat iranianë po nxisin konflikte sociale, ndarje dhe debate në Shqipëri

15 Nëntor 2022, 19:49, Aktualitet CNA
Si hakerat iranianë po nxisin konflikte sociale, ndarje dhe debate në
Foto ilustruese

Grabitja, vjedhja nga hakerat iranianë e të dhënave në shumë institucione shqiptare, por dhe ato më të rëndësishmet si tek Policia e Shtetit apo Gjendja Civile dhe SHISH, kanë filluar të ndezin konflikte, përplasje, debate sociale në shoqërinë shqiptare.

Në fakt, përtej qëndrimit që duhet të mbajnë mediat në lidhje me hakerat, pra a duhet apo s’duhet t’i publikojnë të dhënat e tyre, efekti negativ i publikimit të këtyre të dhënave po jepet në shoqëri.

Kuptohet qëllimi i hakerave iranianë është i qartë. Ata e konsiserojnë Shqipërinë një vend armik sepse Shqipëria ka strehuar muxhahedinët.

Si hakerat iranianë po nxisin konflikte sociale, ndarje dhe debate në
Foto ilustruese

Qëllimi ka qenë i qartë. Hyhet në sistemet e shtetit shqiptar, grabiten sa të munden të dhënat, bëhen publike, krijohen debate, konflikte, përplasje, të nxjerrin zbuluar shtetin shqiptar, qytetarët shqiptarë, pa folur më tej që ato të dhëna mund të merren dhe të keqpërdoren, të keqmenaxhohen sepse kanë të dhëna, kanë foto , kanë ditëlindjen, kanë shumë të dhëna konfidenciale dhe publikohen vazhdimisht lista, emaile dhe të tjera si këto.

Pa asnjë diskutim, një qasje armiqësore, ndaj Shqipërisë dhe shqiptarëve. Një sulm i pastër, jo thjesht dhe vetëm politik siç pretendohet, por është një akt kriminal ndaj qytetarëve shqiptarë.

Së fundi kanë dalë disa lista, ku thuhet se në anglisht fjala e shkruar është “të dyshuarit”, por dikush i ka përdorur me terma spiunë e të tjera si këto.

Një listë në PDF, sa e vërtetë është ajo listë? Apo lista të tjera me të dhëna si ato. Askush nuk jep një përgjigje.

Policia e Shtetit e ka përgënjeshtruar. Por ajo që bie në sy është thjesht dhe vetëm abuzimi dhe manipulimi që bëhet në ato lista. Shumë qytetarë i kanë në duar dhe i drejtohen komshiut  apo një të njohuri “ti je spiun”.

Në fakt ai mund të jetë në një listë të dyshuarish. Ai mund të mos jetë fare pjesë e një liste bashkëpunëtorësh të policisë apo SHISH, por është futur atje brenda. Është e lehtë, është e thjeshtë. Mund të merret sistemi TIMS, përzihet me të dyshuarit, merren bashkëpunëtorët përzihen me TIMS, e kështu me radhë  dhe del një listë dhe hidhet treg.

Si hakerat iranianë po nxisin konflikte sociale, ndarje dhe debate në
Foto ilsutruese

Sipas asaj që mendojnë ata që janë grabitësit, ata kriminelë, që kanë kryer këtë akt të mirëfilltë terrorist ndaj qytetarëve shqiptarë, duke iu grabitur të dhënat, i marrin ato të dhëna dhe i përziejnë, listat e të dyshuarve me listat e bashkëpunëtorëve, me listat e atyre që udhëtojnë e kështu me radhë , i marrin dhe i nxjerrin si spiunë.

Mund t’i nxjerrin si bashkëpunëtorë të SHISH, të policisë, mund t’i nxjerrin në listat e TIMS që kanë udhëtuar, mund t’i bashkojnë me udhëtarë të tjerë, mund t’i ngatërrojnë si të duan.

Mund t’i nxjerrin dhe si të dyshuar, mund t’i nxjerrin dhe si të kërkuar dhe si kriminelë se, thjesht janë dokumente që janë marrë dhe mund të përpunohen prej tyre më çfarëdo lloj mënyre që ata i duan.

Si hakerat iranianë po nxisin konflikte sociale, ndarje dhe debate në
Foto ilustruese

Pra grabitja e bërë, vjedhja e të dhënave të shqiptarëve tashmë ka filluar të japë efekt dhe media duhet të jetë në një alarm. Një alarm të madh në lidhje me këtë situatë, sepse ato të dhëna po krijojnë problematika sociale në vend. Media duhet të sqarojë këtë të vërtetë që ne po themi më sipër. Që asgjë prej tyre nuk është e besueshme.

Ato database, ato të dhëna mund të keqpërdoren, mund të manipulohen dhe askush nuk garanton se janë të vërteta. Pa folur më tej se media duke publikuar atë çka publikojnë hakerat iraninanë, thjesht dhe vetëm bëhen zëdhënës të aktit terrorist të bërë prej tyre, grabitjes së të dhënave të shqiptarëve.

Kjo nuk ka të bëjë aspak me politikën, aspak me qeverinë shqiptare. Ajo duhet të mbajë përgjegjësi se si i ka shpenzuar miliona euro dhe të dhënat nuk u mbrojtën dot, por në shumë vende të botës sulme të tilla, kanë shkaktuar pasoja të mëdha. Ka raste të ngjashme edhe më të këqija por ndoshta si kujtoni jemi apo jo unik këtë se dime, ajo që dimë është që lista të ndryshme, me të dhëna me emra qytetarësh shqiptarë po abuzohen.

Si hakerat iranianë po nxisin konflikte sociale, ndarje dhe debate në
Foto ilustruese

Po publikohen dhe po hidhen në rrjet ashtu sikundër hidhen në këto grupet e rrjeteve sociale. Ato lista të manipuluara dhe përpunuara e të tjera si këto mund t’i jepen kujtdo në botë prej tyre. Është një database kriminale, e përdorur në mënyrë të dhunshme që po shkakton probleme sociale në vend. Është detyrë e medias dhe gazetarëve tashmë të marrin përgjegjësitë, t’i thonë stop publikimit të tyre.

Të qartësojnë opinionin publik se ato lista mund të manipulohen dhe keqpërdoren dhe të ngrenë alarmin për qytetarët që të tregohen të kujdesshëm me të dhënat që kanë në rrjetet sociale, me të dhënat e tyre që përdorin në telefona, në institucione të ndryshme dhe sa të munden të ndryshohen fjalëkalimet, kodet e ndryshme dhe të përpiqen të jenë në alert gjithmonë në lidhje me këtë situatë, që lidhet me të dhënat personale.

Kjo sepse pa asnjë dyshim, armiq të Shqipërisë u kanë grabitur qytetarëve shqiptarë të dhëna dhe kjo nuk është për politikë, por është një sulm ndaj qytetarëve shqiptarë, i pastër, një akt terrorist që po jep efekt.

Si hakerat iranianë po nxisin konflikte sociale, ndarje dhe debate në
Foto ilustruese

Shumë njerëz po i drejtojnë gishtin komshiut, të njohurit si spiun, në fakt ato mund të jenë lista të përziera siç e përmendëm në fillim, të dyshuarish, bashkëpunëtorësh e të tjera si këto.

Dhe qartazi tashmë, efektet e aktit terrorist të bërë nga ata që janë armiq të Shqipërisë duken ditë pas dite, orë pas ore.

Qytetarët duhet të kuptojnë se ato lista janë thjeshtë dhe vetëm manipulime të keqpërdorura nga individë që kanë bërë një sulm kibernetik, por tepër armiqësor dhe kriminal ndaj Shqipërisë dhe shqiptarëve.

Përtej politikës, është një akt terrorist i individëve që tashmë të dhënat e shqiptarëve, po i përdorin për të krijuar konflikte, problematika sociale, pa shkuar më tej që mund të ketë pasoja edhe më të mëdha në keqpërdorimin që mund tu bëhen të dhënave të tyre./ CNA.al

 





Lajmet e fundit nga