E fundit!

14:42 Editorial

Çmenduria e një avokati të pandehur

Plarent Ndreca na qenka bërë sot autor i një zbulimi epoka...

Për çfarë na duhen mesazhet e Fatos Lubonjës?

15 Nëntor 2022, 10:22, Aktualitet CNA

Analisti Fatos Lubonja është një nga emrat që përpiqet të mbajë rolin e opozitarit, bën kontraversin. Një emër që flet ashpër kundër qeverisë, halleve, kullave, problamtikave të tjera si këto, me një frymë, me teza komuniste.

Lubonja shpesh kërkon të ketë vëmendjen e audiencës në analizat dhe komentet që bën mbi situatën politike dhe zhvillimet në vend.

Po përse na shërbejnë mesazhet dhe qëndrimet e Fatos Lubonjës?

Njeriu që së fundmi në një dalje të tij mediatike, tha se më mirë ia jepte votën qenit të rrugës sesa Edi Ramës. Një krahasim i turpshëm në fakt, pasi që ta konsiderosh si qen rruge opozitën, alternativën përballë Ramës, është fyese, pasi Rama e ka një alternativë dhe alternativa është opozita dhe nuk ke pse ia jep qenit, po shkon ia jep opozitës.

Më tej mund të themi se Fatos Lubonja me këtë qasje të turpshme, që i del nga subkoshienca e tij, tregon se si për vite punoi që të sillte Edi Ramën në pushtet apo të majtët.

Kujtojmë që ka qenë një nga njerëzit kryesorë të grupit opozitar në '97-ën me revoltat në Vlorë.

Njeriu që për vite e vite punoi që të sillte Edi Ramën në pushtet dhe tani bën sikur nuk është më ai Lubonja i parë, nuk është ai Lubonja i majtë i revolucionit, nuk është ai Lubonja që punonte kundër PD-së dhe Sali Berishës, që të vinte Edi Rama në pushtet.

Madje siç e theksuam edhe më lart, alternativën opozitare e quan qen rruge. Pse u dashka besuar Fatos Lubonja? Cila është arsyeja, '97-ta kur ishte me komitetet dhe banditë, apo ditë e natë kur luftonte që të vinte Rama në pushtet, dhe tani për çështje kockash janë prishur marrëdhëniet e tyre.

Asnjëherë nuk ka bërë një ndjesë publike, për të gjitha ç’ka ka bërë gabim, jo thjeshtë dhe vetëm artikulime publike, por edhe aktivitetin e tij të përditshëm politik, për interesa të caktuara individësh, përfshirë këtu edhe Ramën, dhe ky është njeriu që ne duhet të besojmë.

Sot po punon kundër Edi Ramës, njëlloj sikur punonte për të rrëzuar Sali Berishën, por ka vetëm një ndryshim, opozitën këtë herë e quan si qenin e rrugës si alternativë dhe asgjë më shumë se kaq./CNA.al