LEXO PA REKLAMA!

SHKARKO APP

E fundit!

x

Shqipëria përmes fotove/ Dëmet dhe përmbytjet nga stuhia "Ciaran"

4 Nëntor 2023, 08:44, Aktualitet CNA

Shqipëria përmes fotove/ Dëmet dhe përmbytjet nga stuhia

Stuhia “Ciaran’ ka goditur pjesën më të madhe të Europës dhe preku vendin tonë mesditën e 3 nëntorit, ku pati rreshje të dendura shiu, shtrëngata, erëra të forta dhe përmbytje. Fatmirësisht nuk pati viktima, por vetëm dëme materiale. 

E njëjta situatë me stuhi ere të shoqëruar me rrebeshe shiu dhe shtrëngata pritet të vijojë edhe gjatë ditës së sotme sipas njoftimit të dhënë nga Shërbimi Meterologjik Ushtarak (SHMU) për vendin tonë. 

"Për fundjavën që presim përpara vendi ynë do të ndikohet nga kushte kryesisht të paqëndrueshme atmosferike si pasojë e periferisë së një stuhie të fortë që ka përfshirë jo vetëm vendin tonë por edhe një pjesë të madhe të europës. Në këtë mënyrë për ditën e shtunë nga orët e para të 24-orëshit deri në orët e mesditës moti parashikohet me vranësira të dendura e reshje shiu të vazhdueshme dhe intensitet të ulët dhe kryesisht mesatar në formën e shtrëngatave", njoftoi SHMU.

Ndërkohë ka edhe një ulje të temperaturave, të cilat do të luhaten gjatë fundjavës nga 5 deri në 20 gradë.

Policia e Shtetit ka kaluar në gadishmëri në të gjithë vendin për të menaxhuar situatën ndërsa evidenton si zona me rrezik më të lartë: Tiranën, Lezhën, Fushë Krujën, Durrësin dhe Elbasanin./CNA

Lajmet e fundit nga