web counter
LEXO PA REKLAMA!

SHKARKO APP

App Store
Google Play

Foto Basha-Trump e lobimi me para ruse/ Studiuesi: Po bëhet një luftë e përbashkët e kupolës së Tiranës

3 Nëntor 2023, 21:26, Aktualitet CNA
Foto Basha-Trump e lobimi me para ruse/ Studiuesi: Po bëhet një
Studiuesi Grid Rroji

BBC publikoi të martën një investigim të gjatë në lidhje me mënyrën si rrethi i ngushtë i Vladimir Putin ka përdorur kompani të ndryshme “guaskë”, për të fshehur pronarët, për të marrë pagesa të paligjshme dhe për të depërtuar në ekonominë britanike. Pjesë e investigimit përmendet dhe lobimi i Partisë Demokratike në SHBA në vitin 2017.

BBC shkruan se dyshohet se kryedemokrati Basha ka lobuar për të pasur një foto me ish-presidentin amerikan, Donald Trump.

Studiuesi Grid Rroji në një intervistë për Euronews tha se Basha nuk ka treguar shumë gjëra nga kjo histori.

Ai solli në  vëmendje raportet e 4 drejtuesve të rëndësishëm poltik në vend dhe tha se po bëhet një luftë e përbashkët e kupolës së Tiranës.

”Basha nuk ka shpjeguar shumëçka në këtë histori, nuk janë 500 mijë dollarë të paguar, por sipas Nik Muzin më shumë. Nëse këto para kanë ardhur nga PD, nga kanë ardhur, kush i ka dhënë. Basha ka shkuar në Skoci, për cilën arsye ka shkuar atje? Unë do e shihja si pjesë të një lufte të përbashkët kundër perëndimit. Janë 4 drejtuesit kryesorë të politikë; kryeministri nën hetim për çështjen McGonigal, kemi kreun e opozitës Basha që i rikujtohet kjo çështje, kemi Berishën që është non grata dhe nën hetim nga SPAK, kemi edhe një ish-president nën hetim të thellë nga SPAK, po bëhet një luftë e përbashkët e kupolës së Tiranës”,  tha ai./ CNA





Lajmet e fundit nga