web counter
LEXO PA REKLAMA!

SHKARKO APP

App Store
Google Play

Rama publikon videon e turistëve nga Vlora/ Plazhet sekrete zbulohen gjatë udhëtimeve me anije

2 Gusht 2023, 08:19, Aktualitet CNA

Rama publikon videon e turistëve nga Vlora/ Plazhet sekrete zbulohen

Kryeministri, Edi Rama mëngjesin e sotëm ka ndarë një video në rrjetet sociale  ku turistë të ndryshëm japin përshtypjet e tyre për Shqipërinë.

“Përshtypjet nga Vlora, e cila këtë verë po pret turistë nga e gjithë Europa, të befasuar prej mikëpritjes, detit, por edhe plazheve sekrete të zbuluara gjatë udhëtimeve magjike me anije, ju uroj një ditë të mbarë”, shkruhet krah videos.

Turistët thonë se ju kanë pëlqyer shumë plazhet e Vlorës.

“Është hera e parë që vijmë në Vlorë. Erdhëm një natë më parë dhe është me të vërtetë një qytet i bukur me plazhe të bukura dhe njerëz të bukur. Gjatë mbrëmjes gjallërohet dhe kjo na pëlqen shumë.”, shprehet një turiste.

Një tjetër tregon për udhëtimin e saj me anije.

“Këtu në Vlorë është shumë bukur, bëmë një udhëtim me anije turistike dhe pamë plazhe shumë të bukura. Njerëzit dhe stafi ishin shumë të këndshëm.”, thotë turistja

As mikëpritja e ngrohtë nuk kalon pa u vënë re.

“Kam ardhur para dy ditësh në Shqipëri. Morëm avionin nga Bergamo dhe një makinë me qera në Tiranë. Mikëpritja e shqiptarëve ka qenë e shkëlqyer dhe po ndihemi shumë mirë.”, tha një turist./CNA.al





Lajmet e fundit nga