web counter
LEXO PA REKLAMA!

SHKARKO APP

App Store
Google Play

Publikimi i videos në rrjetet sociale/ AMP pezullon nga detyra punonjësit

9 Korrik 2026, 21:36, Aktualitet CNA

Publikimi i videos në rrjetet sociale/ AMP pezullon nga detyra

Agjencia e Mbikëqyrjes Policore ka bërë një reagim në lidhje me një video të publikuar në rrjetet sociale ku pretendohet se janë disa punonjës të AMP.

Në njoftimin e bërë, AMP thotë se punonjësit e AMP ndodheshin në Sarandë në kuadër të zbatimit të urdhrit për kontroll në banesën e një punonjësi të policisë.

 

Sa u përket punonjësve të përfshirë në video, AMP njofton se janë pezulluar nga detyra deri në sqarimin e rrethanave të rastit.

 

Njoftimi i AMP

 

Lidhur me publikimin në rrjetet sociale të një videoje, në të cilën pretendohet se janë të përfshirë disa punonjës të Agjencisë së Mbikëqyrjes Policore në qytetin e Sarandës, ju informojmë si më poshtë:

Në datë 11.06.2026, punonjësit e AMP-së ndodheshin në qytetin e Sarandës, së bashku me punonjës të Policisë së Shtetit, në kuadër të zbatimit të urdhrit të prokurorit, të nxjerrë mbi bazën e vendimit të gjykatës, për kontrollin e banesës së punonjësit të policisë Ajdin Islamaj.

Shtetasi në fjalë është person nën hetim në kuadër të procedimit penal nr. 304/2026, për veprën penale “Shpërdorimi i detyrës”, parashikuar nga neni 248 i Kodit Penal, ndaj të cilit është caktuar masë sigurimi. Gjatë veprimeve për ekzekutimin e urdhrit të kontrollit, punonjësi i policisë fillimisht ka kundërshtuar dhe ka refuzuar të hapë derën e banesës për ushtrimin e kontrollit.

Agjencia e Mbikëqyrjes Policore ka marrë masën e pezullimit të përkohshëm të punonjësve të pretenduar si të përfshirë në video dhe ka nisur procedimin disiplinor për sqarimin e plotë të rrethanave të rastit.

Njëkohësisht, po kryhen veprimet e para procedurale dhe materialet përkatëse do t’i referohen Prokurorisë pranë Gjykatës së Shkallës së Parë të Juridiksionit të Përgjithshëm Sarandë, për vlerësim dhe ndjekje të mëtejshme sipas kompetencës.





Lajmet e fundit nga