LEXO PA REKLAMA!

SHKARKO APP

Gjykata rrëzon Ramën për studentët e Mjekësisë

14 Nëntor 2023, 14:46, Aktualitet CNA
Gjykata rrëzon Ramën për studentët e Mjekësisë
Gjykata Kushtetuese

Gjykata Kushtetuese ka vendosur të pezullojë ligjin “Për trajtimin e veçantë të studentëve që ndjekin programin e integruar të studimit të ciklit të dytë “Mjekësi e Përgjithshme” në institucionet publike të arsimit të lartë”, i cili i ndalonte studentët që të largoheshin nga vendi pas mbarimit të ciklit të studimeve.

"Kushtetuesja" pranoi kërkesën e një grupi deputetësh duke pezulluar zbatimin e ligjit deri në shqyrtimin në themel të tij.

Ligji i kundërshtuar gjerësisht nga studentët dhe opozita, u miratua në korrik të këtij viti si masë për të frenuar largimin e mjekëve nga Shqipëria.

Kjo u pasua me protesta të shumta nga ana e studentëve, të cilët kundështonin këtë vendim të qeverisë Rama. Studentët kanë bojkotuar nga mësimin për më shumë se 3 javë. 

Çdo student i Mjekësisë që nuk përmbush detyrimin ligjor, për të ofruar shërbim shëndetësor nga 3 deri në 5 vite në vendin e tij dhe zgjedh të largohet jashtë Shqipërisë pas studimeve, do të duhet të paguajë një tarifë prej 240 mijë lekësh të rinj për çdo vit studimi./CNA

 

 

Lajmet e fundit nga