web counter
LEXO PA REKLAMA!

SHKARKO APP

App Store
Google Play

E fundit!

x

Braçe në mbështetje të grave, propozimi: Leje gjatë ciklit, t’i paguajë shteti

14 Nëntor 2023, 09:17, Aktualitet CNA
Braçe në mbështetje të grave, propozimi: Leje gjatë
Erion Braçe

Një propozim i deputetit socialist, Erion Braçe, për gratë dhe vajzat, nxiti komente të shumta në rrjetet sociale e opinionin publik. Nga Komisioni i Ekonomisë ku çështje e diskutimit të ditës ishte buxheti për Ministrinë e Shëndetësisë, deputeti propozoi që periudha e ciklit menstrual të grave e vajzave të njihet si sëmundje e të paguhet si leje nga buxheti i shtetit.

“A ka mundësi që grave dhe vajzave t’u njihet periudha e ciklit si periudhë sëmundjeje dhe e paguar. Raport i paguar nga buxheti i shtetit. Realisht po e konsiderojnë sëmundje lart e poshtë dhe është mirë që një iniciativë të tillë që unë mendoj se nuk kushton shumë, që duhet kalkuluar të përfshihet në iniciativat e Ministrisë së Shëndetësisë. E dyta, po kaq e rëndësishme. A ka mundësi që paketën higjieno-sanitare të grave dhe vajzave pikërisht për ciklin ta përjashtojmë nga Tatimi mbi Vlerën e Shtetit, se nuk i shton asgjë buxhetit të shtetit. Nuk po kërkoj atë që po bën Evropa që ta paguajë qeveria këtë gjë, një herë në muaj, por minimumi po kërkoj që të përjashtohet nga Tatimi mbi Vlerën e Shtuar”, - tha Braçe.

Për Shqipërinë ky duket një propozim i çuditshëm, por më herët Spanja ka nisur të praktikojë këtë përmes ligjit për lejimin e pushimit mjekësor shtesë, ku gratë mund të marrin leje nga puna për dhimbjet e menstruacioneve. Ligji u jep të drejtën punëtoreve që përjetojnë dhimbje periodike për aq kohë sa u nevojitet, me sistemin shtetëror të sigurimeve shoqërore. Pushimi menstrual aktualisht zbatohet vetëm në disa vende si Japoni, Indonezi e Zambi./CNA

 





Lajmet e fundit nga