LEXO PA REKLAMA!

SHKARKO APP

Zbulohen detajet, si komunikonte Dritan Rexhepi nga burgu me gruan dhe nënën

14 Nëntor 2023, 09:35, Aktualitet CNA
Zbulohen detajet, si komunikonte Dritan Rexhepi nga burgu me gruan dhe
Dritan Rexhepi

Pavarësisht se vuante dënimin në një burg të sigurisë së lartë në Ekuador, Dritan Rexhepi nuk i ka ndërprerë komunikimet telefonike me familjen e tij dhe konkretisht me nënën. Kështu është shprehur gazetarja Klodiana Lala teksa ka komentuar arrestimin e Rexhepit. Lala tha se këtë ia ka zbuluar mamaja e Dritan Rexhepit në një komunikim me të tri vite më parë.

Gjatë një bisede me nënën e tij para 3 vitesh, ajo më tha se gjatë kohës që i biri mbahej në një burg të sigurisë së lartë në Ekuador, ata komunikonin 3 herë në javë. Po ashtu Rexhepit i ishte mundësuar dalja në një kamp publik ku takohej me bashkëshorten e tij ekuadoriane”, tha Lala.

Sipas gazetares, Rexhepi drejtonte 14 grupe kriminale nga burgu në Ekuador, ndërsa një agjent i DEA-s e ka cilësuar atë si një nga njerëzit kryesorë të botës së krimit atje.

Më herët mediat ekuadoriane kanë zbuluar se Rexhepi kishte krijuar lidhje të forta në Bolivi, Ekuador e Kosta Rika, por gjithashtu ishte përfshirë në armiqësi me kartelet.

Dritan Rexhepi, i cilësuar si bosi i kartelit të drogës, është arrestuar në 10 nëntor në Turqi pas një bashkëpunimi mes autoriteteve turke dhe atyre italiane. Rexhepi u arratis nga burgu në Ekuador dhe humbi çdo kontakt me autoritetet derisa ishte policia italiane ajo që gjurmoi lëvizjet e fëmijëve për të mbërritur te banesa e tij në Turqi./CNA

 

Lajmet e fundit nga