web counter
LEXO PA REKLAMA!

SHKARKO APP

App Store
Google Play

Dritan Rexhepin e tradhëtuan fëmijët?!/ Si e zbuloi policia

11 Nëntor 2023, 12:30, Kronika CNA

Dritan Rexhepin e tradhëtuan fëmijët?!/ Si e zbuloi policia

Dritan Rexhepi, një prej emrave më të kërkuar të policisë shqiptare dyshohet se është “tradhëtuar” nga vetë fëmijët e tij. Janë këto dyshimet që hedh eksperti i sigurisë Ilir Kulla i cili në një intervistë televizive tha se Rexhepi është pikasur nga policia italiane pasi këta të fundit kanë gjurmuar dy fëmijët e tij, e më pas kanë qenë autoritetet turke ato të cilat kanë kryer arrestimin.

 “Dritan Rexhepi është arrestuar në Stamboll. Kishte një vit që ishte spostuar atje me familjen. Është nga fshatrat e Vlorës, emrin e vet e ka Gramoz, e ka emër të ndryshuar. Para se të shkonte në Turqi, ka qenë në Kolumbi. Është martuar me një zonjë nga Kolumbia që është ndaluar edhe mbrëmë. Ka dy fëmijë. Operacionin e kanë bërë turqit, por gjithçka e kanë organizuar italianët. Ata kanë ditur lidhjen e tij dhe se kishte dy fëmijë dhe kanë ndjekur fëmijët. Ata kanë ndjekur fëmijët, dhe kjo ka qenë ndër arsyet që u zbulua dhe gabimi që është bërë nga Rexhepi” – tha Kulla.

I shumëkërkuari i drejtësisë shqiptare, i dyshuar për një seri krimesh, por edhe për trafikun e narkotikëve nga Amerika Latine në Europë, u arrestua në Turqi ndërsa autoritetet kanë nisur procedurat për ekstradimin e tij.

Gjatë kontrollit në adresën ku u bë arrestimi, përveç pistoletës iu sekuestruan edhe 2 karikatorë, 13 fishekë, 16 karta SIM, 12 celularë, 2 laptopë dhe 4 USB. Rexhepi ka hyrë në Turqi më 24 Shtator me një identitet të rremë përmes një pasaporte kolumbiane, nën emrin Benjamin Omar Perez Garcia./ CNA





Lajmet e fundit nga