E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

U gjet e braktisur, materniteti “Koço Gliozheni” tregon shkaqet e ndarjes nga jeta të foshnjës

9 Nëntor 2023, 11:50, Kronika CNA

U gjet e braktisur, materniteti “Koço Gliozheni” tregon

Foto ilustruese

Materniteti “Koço Gliozheni” ka dhënë detaje në lidhje me humbjen e jetës së foshnjës që u gjet e braktisur në garazhin e një pallati në zonën e Yzberishtit në Tiranë.

Në njoftimin për mediat nënvizohet se foshnja ndërroi jetë në orën 10:45 të së enjtes dhe se diagnozat klinike janë: Lindje në term, hipotermi e thellë, politraumë, hemorragji pulmonare, insuficiencë multiorganore dhe arrest kardiorespirator.

Ndërkohë është identifikuar nëna që e braktisi foshnjën, e cila është një 30-vjeçare me iniciale E.I. Fillimisht kjo e fundit mohoi se ishte ajo nëna e fëmijës dhe deklaroi se nuk ka dijeni për ngjarjen.

Nëna e foshnjës ka deklaruar se e braktisi bebin për shkak se familjarët nuk ishin në dijeni të shtatzënisë së saj, pasi nuk është e martuar.

Njoftimi i maternitetit:

Ashtu siç jeni njoftuar gjatë gjithë ditës së djeshme, pranë SUOGJ “Koço Gliozheni”, është sjellë në gjendje të rëndë traumatike, një foshnjë e lindur dhe e braktisur në ambjentet e një garazhi !

Me të mbërritur në spital foshnjës i është dhënë ndihma e parë në reanimacionin neonatal dhe pas shumë përpjekjesh është arritur të kthehet në jetë edhe pse në gjendje të rëndë!

Për 24 orë është luftuar fort nga ana e stafit mjekësor për ta fituar betejën për jetën e kësaj foshnjeje. Pavarësisht punës, përpjekjeve dhe dëshirës së madhe për fat të keq kjo gjë nuk u arrit!

Me hidhërim të thellë njoftojmë humbjen e jetës së foshnjës! Foshnja ndërroi jetë në orën. 10:45, datë 09.11.2023

Diagnozat klinike:

Lindje në term/ Lindje per vias vaginalis/ Hipotermi e thellë/Politraumë/ Hemorragji pulmonare/Insufiçience multiorganore/Arrest kardiorespirator

Falenderojmë Ministrinë e Shëndetësisë dhe Punës Sociale, Policinë e Shtetit si dhe të gjithë qytetarët që na kanë mbështetur fuqimisht në betejën tonë për jetën, që fatkeqësisht këtë herë e humbëm!