LEXO PA REKLAMA!

SHKARKO APP

Megaoperacioni “Tempulli”/ Kapet i shumëkërkuari nga policia

11 Nëntor 2023, 12:14, Kronika CNA
Megaoperacioni “Tempulli”/ Kapet i shumëkërkuari nga
Foto ilustruese

Shkon në 100 numri i të arrestuarve në kuadër të operacionit të policisë “Tempull”.29-vjeçari E.P është arrestuar në Unazë të Re, pasi ishte shpallur në kërkim që nga kryerja e megaoperacionit ndërkombëtar “Tempull” ku u arrestuan një numër i madh personash në një operacion të shtrirë në të gjithë vendin.

Më herët gjatë zhvillimit të këtij operacioni, janë sekuestruar 10 kg lëndë e dyshuar narkotike cannabis sativa, 3.7 kg kokainë, 150 doza heroine, 1 armë zjarri pistoletë, 12 automjete, 78 celularë, 12 peshore elektronike, 3 motomjete, 30 000 euro, 6000 paund, 4 500 000 lekë dhe 12 targa automjetesh.

Shërbimet e Komisariatit të Policisë Nr. 6, në bashkëpunim me shërbimet e Seksionit për Hetimin e Narkotikëve, e arrestuan të riun pasi Gjykata e Shkallës së Parë e Juridiksionit të Përgjithshëm Tiranë i ka caktuar masën e sigurisë "Arrest në burg", për veprën penale "Prodhimi dhe shitja e narkotikëve". 

Policia e Shtetit po vijon punën për lokalizimin dhe kapjen e shtetasve të tjerë të shpallur në kërkim në kuadër të këtij megaoperacioni./ CNA

Lajmet e fundit nga