web counter
LEXO PA REKLAMA!

SHKARKO APP

App Store
Google Play

E fundit!

x

Zbulohen fijet e Dritan Rexhepit me politikanët, si drejtonte kartelin e drogës nga burgu

13 Nëntor 2023, 11:13, Aktualitet CNA

Zbulohen fijet e Dritan Rexhepit me politikanët, si drejtonte kartelin e

Dritan Rexhepi, kreu i kartelit që drejtonte trafikun e drogës nga Amerika Latine drejt Europës, ka krijuar lidhje të forta me struktura të rëndësishme të politikës ekuadoriane deri te kunati i Presidentit të Republikës.

Rasti "Rexhepi" ka pushtuar sërish titujt e mediave ekuadoriane, ku këto të fundit i kanë kushtuar disa artikuj veprimtarisë së tij dhe lidhjeve të tij me politikën. Në një cikël shkrimesh të quajtura “Kumbari i madh” mediat shkruajnë se pas arratisjes nga burgu, Rexhepi mbante një marrëdhënie biznesi me Ruben Cherres, i cili ka pasur miqësi me Danilo Carrera, kunati i presidentit të Republikës, Guillermo Lasso.

Nga hetimi i policisë janë zbuluar takime dhe biseda të panumërta mes Cherres, Rexhepit apo Gjikës (një ndër identitetet që përdorte Rexhepi)  dhe individëve që ishin pjesë e asaj që njihet si mafia shqiptare.

Midis tyre ata themeluan të paktën 13 kompani, shumica e tyre të lidhura me kompanitë e ndërtimit dhe të pasurive të paluajtshme, ku kryhej edhe aktivitet kriminal.

Trafiku i drogës:

Raportet e policisë tregojnë se karteli i udhëhequr nga Rexhepi transportonte ngarkesa të panumërta miliona dollarëshe droge nga vendet e Amerikës së Jugut në Evropë.

Besohet se shqiptari, gjatë kohës që ishte i ndaluar në Ekuador, ka vazhduar të drejtojë dërgesën e drogës, ndërsa aktiviteti është shtuar kur ai ishte jashtë burgut dhe jashtë kontrollit të sistemit të drejtësisë ekuadoriane.

Këto informacione u publikuan në fillim të 2023 nga La Posta në kuadër të serisë së shkrimeve për kapon e kartelit.

Rexhepi u zhduk nga radarët e autoriteteve ekuadoriane në fillim të vitit 2022, kur nuk respektoi masat e urdhëruara nga gjyqtari Diego Poma, në kuadër të miratimit të kërkesës për lirimin e parakohshëm për arsye shëndetësore.

Në vend të burgut, ai u urdhërua të përdorte pranga elektronike  dhe të qëndronte në shtëpi si dhe ndalohej dalja jashtë vendit. Por ai mundi të arratisej. 

 Nën akuzë për trafikun e drogës, njeriu i njohur si “Car” ose Mbreti i kokainës u dënua në Ekuador me 13 vjet burg, nga të cilat kreu vetëm 7 dhe u lirua në vitin 2021, pavarësisht se kërkesat për ekstradim të bëra nga Italia dhe Shqipëria rëndonin mbi të./CNA

Skema spektakolare e Dritan Rexhepit/ Mënyra si i shpëtoi drejtësisë tregon dështimin e sistemit

 





Lajmet e fundit nga