web counter
LEXO PA REKLAMA!

SHKARKO APP

App Store
Google Play

Rrëfimi i trishtë i Pranverës/ “Më gjetën në kosh plehrash, për 15 vjet doja të vrisja veten”

12 Nëntor 2023, 16:06, Aktualitet CNA
Rrëfimi i trishtë i Pranverës/ “Më gjetën në
Pranvera

Pranvera, një vajzë e rritur me prindërit jobiologjikë, ka treguar historinë e saj të jetës dhe momentin kur ka zbuluar të vërtetën.

Ajo tha në rubrikën “Ka një mesazh për ty” se në momentin që mësoi se ishte e birësuar, bota iu shemb në fund të këmbëve.

Pranvera rrëfeu se e ka pasur shumë të vështirë ta përtypte këtë fakt dhe për 15 vjet radhazi ka menduar që të vrasë veten.

“Ma tha në klasën e shtatë një nga të afërmit tanë. Shkova, e kam pyetur pasi në familjen tonë është edhe një pjesëtar tjetër që ka adoptuar dhe ishim dy vajza të adoptuara. Kemi shkuar të dyja, kurioze dhe i thamë që po ti je në dijeni që ne jemi të adoptuara? Dhe ajo tha “po, ti je gjendur në koshin e plehrave” dhe asaj tjetrës i tha diçka tjetër. Kam ikur në shtëpi, prindërve të mi iu desh të përballeshin me një tornado. Aty ka qenë hera e parë, fillimi që unë tentoja të vrisja veten nga refuzimi dhe nga ajo që kuptova. Klasa e shtatë. E kam menduar vetëvrasjen për 15 vjet radhazi. Zoti më ndaloi. I jam mirënjohëse, jam falë atij këtu”, u shpreh ajo.

Pranvera deklaroi se gjithmonë ka jetuar me imazhin e një vajze të pistë, të hedhur në koshin e plehrave.

“Kjo ka qenë imazhi i vetëm që unë kam jetuar për vite me radhë, veten time, të pistë dhe në kosh plehrash, të hedhur, të braktisur, të refuzuar”, theksoi ajo./ CNA





Lajmet e fundit nga