web counter
LEXO PA REKLAMA!

SHKARKO APP

App Store
Google Play

E fundit!

x

Pse Bledi Çuçi nuk mban përgjegjësi për ish-shefin e Operacionales që u arrestua për lidhje me krimin

12 Nëntor 2023, 16:10, Aktualitet CNA
Pse Bledi Çuçi nuk mban përgjegjësi për ish-shefin
Bledi Çuçi dhe Oltion Bistri

Oltion Bistri, ish-shefi i Drejtorisë së Forcave të Posaçme Operacionale në Drejtorinë e Përgjithshme të Policisë së Shtetit, u arrestua gjatë operacionit “Metamorfoza” në korrik të këtij viti, me urdhër të SPAK.

Oltion Bistri ishte shkarkuar nga kjo detyrë vetëm 4 ditë para arrestimit, post në të cilin ishte emëruar në shkurt të vitit 2022.

Gjatë kohës që Bistri u emërua drejtor i Operacionales në krye të Policisë së Shtetit ishte Gledis Nano, ndërsa Ministrinë e Brendshme e drejtonte Bledi Çuçi, sipas të dhënave të siguruara nga CNA ka qenë ky i fundiot i cili ka rekomanduar dhe më pas kërkuar emërimin e Bistrit si drejtues i Forcës së Posaçme Operacionale.

Gledis Nano iku pak kohë me pas nga Policia e Shtetit, ndërsa Çuçi vijoi ta mbante sërish Oltion Bistrin në postin e lartë me këmbëngulje.

Bistri është vënë në pranga për lidhjet me krimin e organizuar iku vetëm disa ditë pasi në krye të ministrisë së Brendshme erdhi Taulant Balla.

Për emërimin në postin e lartë të Bistrit nuk ka mbajtur askush përgjegjësi deri më tani kur kanë kaluar rreth 4 muaj nga arrestimi. Bledi Çuçi që ka qenë ministër i Brendshëm nuk ka denjuar të japë asnjë sqarim përse e rekomandoi dhe e mbante në detyrë Oltion Bistrin.

Për më tepër, duhet theksuar fakti se për Bistrin,  SHISH kishte dhënë informacione të plota që përfshinin lidhjet e tij të dyshimta.

Nuk duhen lënë mënjanë dhe hetimet e ish-Prokurorisë së Krimeve të Rënda, të cilat dispononin përgjime dhe kishin hetuar Oltion Bistrin për lidhje me trafikun e drogës drejt Maqedonisë, gjatë kohës që ishte drejtues në komisariatin e policisë në Pogradec.

Kush mban përgjegjësi për ish-zyrtarin e lartë të policisë të lidhur me krimin që sot akuzohet për “Shpërdorim detyre” dhe “Zbulim të akteve ose të dhënave sekrete”?

A mban përgjegjësi Bledi Çuçi? Politike dhe ligjore.

Pse askush nuk është vënë para përgjegjësisë për emërimin e Bistrit si shefin i Operacionales, po për zyrtarë të tjerë të lartë të policisë që kanë lidhje me krimin dhe kanë abuzuar me detyrën, që emërohen dhe shkarkohen pas mbështetjes dhe lobimeve politike.

Zyrtarët arrestohen dhe askush nuk mban përgjegjësi publike dhe politike.

Emërimet e oficerëve të policisë që kanë lidhe dhe bashkëpunojnë, me persona me precedentë kriminalë ngelen gjithmonë pa pagjegjësi./ CNA





Lajmet e fundit nga