LEXO PA REKLAMA!

SHKARKO APP

Paralajmërim për ngricë dhe mjegull/ Çfarë duhet të kenë parasysh shoferët, sipas ekspertëve

26 Nëntor 2023, 19:57, Sociale CNA

Paralajmërim për ngricë dhe mjegull/ Çfarë duhet

Instituti i Gjeoshkencave paralajmëron për mot të ftohtë javën e ardhshme me reshje bore e shiu, ngricë dhe mjegull.

Marrë shkas nga kjo, ekspertët e institutit kanë dhënë disa këshilla që duhet të merren parasysh nga drejtuesit e mjeteve.

Ekpertët kërkojnë që në çdo rest të repektohet sinjalistika, të lëvizet me zinxhirë në vendet me borë dhe për më tepër të reduktohet lëvizja gjatë natës.

Këshillat e Institutit të Gjeoshkencave:

Këshilla nga ekspertët e IGJEO-s në prag të stinës së ftohtë të dimrit, kryesisht përsa i përket udhëtimit në kushtet e motit të ftohtë, dëborës, akullit dhe ngricës.

Gjatë dimrit kushtet atmosferike, si mjegulla, shiu, dëbora dhe akulli e vështirësojnë drejtimin e automjetit.

Për këto arsye, për të shmangur rreziqet gjatë lëvizjes me makinë është mirë që të respektohen kufijtë e shpejtësisë.

Ka disa tregues specifikë të cilët duhet të mbahen parasysh:

- informohuni për motin në zonën ku do shkoni përpara udhëtimit;

- nuk rekomandohet lëvizja pa zinxhirë;

- evitoni në maksimum lëvizjet në orët e vona, e sidomos natën.

Mjegulla e bën rrugën më të padukshme, ul shikueshmërinë dhe zvogëlon mundësinë e frenimit në asfalt. Në këto raste:

- ulni shpejtësinë;

- ruani distancën;

- mbani dritat gjithnjë ndezur.

Siguria gjatë udhëtimit duhet të jetë pjesë e kulturës sonë...

Në ditët me mot të keq e në kushte të vështira,

U rekomandojmë drejtuesve të automjeteve respektimin e rregullave të qarkullimit rrugor, si e vetmja mundësi që shmang e parandalon aksidentet.

Nga kujdesi ka vetëm dobi./ CNA

Lajmet e fundit nga