E fundit!

13:46 Aktualitet

Trafikimi i tonelatave me kokainë/ Dorëzohet efektivi i kërkuar nga SPAK

Polici Nazmi Shahini, i kërkuar nga SPAK për pjesëmarrje n...

“Nuk bëhen gjyqet kur do Fania”/ Gazetari jep alarmin: Kapteri që e quan veten Berluskoni shqiptar po ushtron dhunë ndaj gjykatës

2 Dhjetor 2022, 11:17, Aktualitet CNA

Një ngjarje e paprecedentë ka ndodhur sot në Gjykatën Administrative të Durrësit.

Irfan Hysenbelliu, pronar i "Prestige Resort", ku po prishen ndërtimet pa leje, ka sulmuar dhe ka shantazhuar hapur fillimishte kryetarin e Gjykatës e më pas sekretaren.

“Nuk bëhen gjyqet kur do Fania”/ Gazetari jep alarmin: Kapteri

Gazetari Elvi Fundo, ka reaguar përballë skenës së sulmit të cilën sot shqiptarët e panë "live" në median e Hysenbelliut.

Me anë të një postimi në rrjete sociale, Fundo ka hequr paralale mes qytetarëve që për vite të tëra presin të mbarojnë punë në gjykatë, duke pritur radhën dhe Irfan Hysenbelliu që nuk njeh short, radhë e drejtësi, po merr kamerat dhe shantazhon.

“Nuk bëhen gjyqet kur do Fania. Kanë me vite shqiptarët që vuajnë për një short e një radhë.

Kështu është kur 8 vite nuk merresh me hallet e qytetarëve, por mendjen e ke t'i mbash iso qeverisë e të shohësh hallin tënd, të marrësh para nga inceneratorët, të ndërtosh pa leje etj. etj. etj.

Kapteri që e quan veten Berluskoni shqiptar po ushtron dhunë ndaj gjykatës duke përdorur mediat e tij për kamikaze.

Shqiptarët kanë të tjera halle jo hotelet luksoze pa leje të Fanes”, shprehet Fundo.

Sipas tij, Irfan Hysenbelliu po i përdor mediat si kamikazë, ndërkohë që mediat kanë mision tjetër, hallet e qytetarëve dhe jo hallet e Irfanit.

Ky është rasti kur media është kazan. Pasi ka dy ditë "News 24" që na tregon hotelin e Irfanit dhe ndërtimet pa leje, duke lënë mënjanë shqiptarët e shqetësimet e tyre.

Irfani përdor televizionin si kamikaz, nga ana tjetër qytetarët me vite dergjen gjykatave, kanë humbur pasuri, duke pritur radhën, shortin apo edhe duke u nëpërkëmbur.

Ku ishte Irfani kur kjo ndodhte me ta Gjykatave? Irfani që i mbante ison qeverisë, kur merrte qindra mijëra euro nga kompanitë e inceneratorëve për të mbyllur gojën.

Por, tani hap gojën për hotelin e tij. Hoteli i tij, nuk është halli i shqiptarëve.

“Pak hotele ka Shqipëria, pak biznese ka turizmi shqiptar? Irfani nuk është marrë me problematikat e turizmit, por ka deklaruar se shkëlqen turizmi. Tani kur duhet të përballet me drejtësinë bërtet o lele nëna ime. Ligji është njësoj për të gjithë, nuk ka drejtësi kur do Irfani”, shprehet më tej Fundo./CNA.al