LEXO PA REKLAMA!

SHKARKO APP

“Çmenduri e madhe”/ Tomorri: Si shteti u bë qesharak për kapjen e anijes me naftë ruse

20 Shkurt 2023, 17:18, Aktualitet CNA
“Çmenduri e madhe”/ Tomorri: Si shteti u bë qesharak
Gazetari Klodian Tomorri

Mbi 22 mijë tonë naftë ruse u kapën një natë më parë në Portin e Durrësit, në një anije nga Libia, e cila e transportonte me dokumentacion të falsifikuar.

Këtë operacion, gazetari Klodian Tomorri e cilëson si një çmenduri të madhe.

Me anë të një statusi në rrjetet sociale, Tomorri thotë se shteti po bëhet qesharak, pasi pretendon se nafta nuk është kontrabandë, por kompania që e ka transportuar ka thyer embargo.

Ai thekson se shteti ynë nuk ka asnjë bazë ligjore për të ndëshkuar thyerjen embargos.

“Kur shteti është qesharak

Po lexoja njoftimin e policisë për kapjen e anijes me naftë ruse. Një çmenduri e madhe.

E para, në operacion kanë marrë pjesë 8 intitucione të ndryshme, a thua se po arrestonin El Chapon. Kur e gjithë gjëja ishte e njoftuar nga jashtë dhe këta s’kanë bërë asnjë hetim. E dyta, që është dhe më perlë. Në njoftim zyrtar policia thotë në kuadër të goditjes së kontrabandimit të naftës… etj., etj.

Termin kontrabandim tani e marrin të gjitha mediat dhe e bëjnë lajm kapet anija me 22 mijë tonë naftë kontrabandë nga Rusia. Kur nuk e di policia dhe doganat çfarë është kontrabanda nuk kanë si ta dinë mediat.

Ajo nuk është kontrabandë se kompania ka njoftuar Portin për të shkarkuar. Por është thyerje embargoje. Dhe shteti ynë qesharak nuk ka asnjë bazë ligjore për të ndëshkuar thyerjen embargos.

Kapin ata marinarët e gjorë i fusin brenda, i mbajnë nga 1 apo dy muaj brenda pa ligj dhe pastaj i lëshojnë prapë. Ndërkohë që nafta kthehet mbrapsht pas nja dy muajsh. Kaq është e gjitha kjo punë”, shkruan gazetari./ B.A. – CNA.al

Lajmet e fundit nga