web counter
LEXO PA REKLAMA!

SHKARKO APP

App Store
Google Play

Rrëzimi i bustit të Enver Hoxhës/ Kreu i “Grupimit '90”: Po jetojmë me të njëjtën frymë persekutimi

20 Shkurt 2023, 12:20, Aktualitet CNA
Rrëzimi i bustit të Enver Hoxhës/ Kreu i “Grupimit
Kryetari i “Grupimit ‘90”, Ajet Ramçaj

Kryetari i “Grupimit ‘90”, Ajet Ramçaj, ka përkujtuar ditën e rrëzimit të bustit të diktatorit Enver Hoxha.

Ramçaj është shprehur se edhe në ditët e sotme, pas 32 vitesh, po jetohet me të njëjtën frymë persekutimi.

Ai ka deklaruar se kryeministri Edi Rama në 10 vite ka bërë të mundur largimin masiv të shqiptarëve nga vendi për shkak të varfërisë.

“Në 32-vjetorin e rënies së bustit të diktatorit gjakatar 'Enver Hoxha', Partia Demokratike përkujton ditën kur studentët u ngritën mbi regjimin më të egër që kishte parë koha pas Luftës së Dytë Botërore.

Ishte ai regjim, i cili shkatërroi breza të rinjsh, intelektualësh, familje dhe personalitete duke ua shkatërruar të ardhmen e tyre për 50 vite.

Sot në demokraci, është po e njëjta frymë persekutimi. Sot qeveria Rama në 10 vitet e saj në pushtet ka bërë të mundur me vetëdije të plotë të largojë mbi 900 mijë njerëz, rreth 35% e popullsisë së Shqipërisë.

Si për të kujtuar vitet ’90, edhe sot pjesa më e madhe e shqiptarëve vuajnë për bukën e gojës. Ne e shohim çdo ditë, kur përballemi me atë brez, i cili luftoi fort për një jetë më të mirë dhe sot shpërblehen nga shteti me kacidhe dhe paketa, që jepen si lëmoshë nga qeveria. Dhe është po Edi Rama, i cili me vetëdije e bën këtë gjë, për të varfëruar një popull, të cilin nesër mund ta blejë me pak para me qëllimin e vetëm, të qëndrojë sa më gjatë në pushtet.

Është po i njëjti mentalitet si ai viteve të diktaturës ku tolloni ishte fletushka që të shuante urinë për pak orë, edhe sot, propaganda i ngjan atij tolloni, ku qeveria mundon të mashtrojë qytetarët”, ka deklaruar Ramçaj.

Ndër të tjera, ai ka theksuar se “Grupimi ‘90” do të vijojë të qëndrojë krah PD.

“'Grupimi ‘90' është organizatë partnere, e cila do të qëndrojë në krah të Partisë Demokratike, partisë së parë pluraliste në Shqipëri, ajo që solli demokracinë në Shqipëri dhe njohu fitore edhe në kohë të mëdha sfidash”, ka thënë Ramçaj./ CNA.al

 





Lajmet e fundit nga