web counter
LEXO PA REKLAMA!

SHKARKO APP

App Store
Google Play

Mbi 22 mijë ton naftë kontrabandë nga Rusia/ Bllokohet anija në Portin e Durrësit

20 Shkurt 2023, 09:17, Aktualitet CNA
Mbi 22 mijë ton naftë kontrabandë nga Rusia/ Bllokohet anija
Foto ilustruese

Bllokohet një anije që transportonte 22 500 tonë naftë. Strukturat policore që operojnë në Durrës, veçanërisht Seksioni për Krimin Ekonomik dhe Financiar në DVP Durres, në vijim të operacioneve të njëpasnjëshme të zhvilluara muajt e fundit, me qëllim goditjen e kontrabandimit të naftës që vjen nga Libia e vende të tjera, kanë siguruar në vijimësi, përmes inteligjencës informative, informacione për një anije me flamur liberian që do të kontrabandonte një sasi shumë të madhe nafte.

Bazuar në këto informacione është organizuar dhe është në vijim operacioni policor i koduar “Embargo”, në kuadër të të cilit është bllokuar një anije me flamur liberian, e cila transportonte 22 500 tonë naftë, me dokumentacion të falsifikuar, që do të kontrabandohej në Shqipëri. 

Nga veprimet e para hetimore dyshohet se kjo ngarkesë nafte është marrë nga vendet me embargo për naftën, konkretisht nga Rusia. Anija ishte nisur nga Azerbajxhani dhe pretendohet se më pas është ngarkuar me naftë në portin Kallamata, Greqi, nga një anije tjetër, në një sasi prej 22 500 tonë lëndë djegëse naftë. 

Në vijim të veprimeve, bazuar në dyshime të arsyeshme se kjo sasi nafte e kishte origjinën nga vendet me embargo dhe ishte e kontrabanduar, pasi nuk disponohej dokumentacion i rregullt, u bë sekuestrimi i saj dhe i dokumentacionit të lundrimit të kapitenit, si dhe bllokimi i ekuipazhit që përbëhej nga 22 shtetas, për kryerjen e veprimeve të mëtejshme procedurale.  

Grupi hetimor, nën drejtimin e Prokurorisë, po vijon hetimet e thelluara, me qëllim dokumentimin sa më të plotë të kësaj veprimtarie të kundërligjshme dhe për identifikimin e shtetasve të përfshirë në këtë veprimtari, si persona fizikë apo juridikë./ CNA.al

Mbi 22 mijë ton naftë kontrabandë nga Rusia/ Bllokohet anija

Mbi 22 mijë ton naftë kontrabandë nga Rusia/ Bllokohet anija

Mbi 22 mijë ton naftë kontrabandë nga Rusia/ Bllokohet anija





09:34 Aktualitet Agim Xhafka

Atë mëngjes dhjetori

Kur isha mësues fshati në ato vite të hënave çohesha q...

Lajmet e fundit nga