Nga Klodiana Lala/ Akuzat e “Tigrit” të qeverisë ndaj Edi Ramës dhe detyra e SPAK-ut

2 Qershor 2024, 17:03, Aktualitet Klodiana Lala

Ish-numri dy i qeverisë, Arben Ahmetaj, dikur i etiketuar si TIGRI i qeverisë e tashmë një i shumëkërkuar ndërkombëtarisht, për aferën e incenetorëve, ngre akuza të forta ndaj kryeministrit Edi Rama.

Ai flet për takime të Ramës me bossë të mafias në zyrën e tij brenda godinës së qeverisë.

"I takon bosët e mafias në zyrën e tij në selinë e kryeministrisë, e kam parë", thotë Ahmetaj.

Ai akuzon si ndërmjetësues të takimeve të Ramës me botën e krimit një prej njerëzve më të besuar të Ramës.

Nga Klodiana Lala/ Akuzat e “Tigrit” të qeverisë ndaj Edi

Kryeministri Edi Rama

“Report” sjell në kujtesë edhe një takim të Ramës me Luftar Hysën, që sipas shkrimit konsiderohet nga autoritetet kanadeze si një ndër pastruesit e parave kryesorë për kartelin e Sinaloas.

"E kam takuar vetëm një herë dhe pastaj kurrë më", përgjigjet Rama kur pyetet nga gazetari italian, sipas asaj që kanë zbardhur mediat në vendin fqinj.

“Dy muaj pas këtij takimi”, – thekson më tej shkrimi ne mediat italiane – “biznesmeni Hysa mori liçencën për të hapur një kazino në një hotel luksi në Vlorë”.

Këto janë pak a shumë vetëm disa nga pikat ku ndalet investigimi, sepse detajet e plota do të mësohen në darkë. Por të kthehemi të realiteti shqiptar.

Nga Klodiana Lala/ Akuzat e “Tigrit” të qeverisë ndaj Edi

Në lidhje me Luftar Hysën, që për shumëkënd ishte një person i panjohur për shkak se biznesin e kishte ngritur në Meksikë dhe Kanada, autoritetet (SPAK) së fundmi ka shkëmbyer informacion me partnerët në lidhje me të, edhe pse detajet mbahen në sekret të plotë.

Që në Shqipëri qeveria është e kapur nga krimi, kjo dihet dhe faktet janë publikuar nga mediat në Shqipëri rast pas rasti.

Që në Shqipëri pastrohen para në kulla e grataciela, edhe ky është një fakt që dihet botërisht.

Që zgjedhjet blihen edhe ky është një fakt i pakundërshtueshëm.

Ndaj nisur nga investigimi i emisionit “Report” në televizionin italian “Rai 3” që do të trasmetohet këtë të dielë në mbrëmje që SPAK-u ka detyrën të çelë një dosje penale.

Të hetojë dhe zbardhë nëse kryeministri pret në zyrë bossë të mafias, çfarë iu ka kërkuar dhe çfarë ka marrë në këmbim.

Të bllokojë paratë e krimit dhe të zbardhë krimet zgjedhore. Është detyrë e prokurorëve specialë.