E fundit!

19:46 Politikë

“Këshilli Kombëtar, kozmetikë e Berishës”/ Spaho: PD do e ketë të pamundur të jetë rivale e PS

Ish-nënkryetari dhe ish-deputeti i PD-së Edmond Spaho ka k...

Avokati Sokol Mëngjesi 5 ditë në koma te Trauma, asnjë përmirësim

2 Qershor 2024, 11:52, Aktualitet CNA

Sokol Mëngjesi

Avokati ish-kryeministrit Sali Berisha, Sokol Mëngjesi vijon të jetë në gjendje të rëndë shëndetësore te Spitali i Traumës. Ai po mbahet në monitorim intesiv pasi është në koma.

Nesër mjekët do tentojnë të ulin dozat e qetësuesve në mënyrë graduale dhe mund të shihet si do të reagojë pacienti.

Mjekët kanë kryer një operacion në kokë dhe ka rezultuar se avokati ka pasur hematoma dhe probleme në tru. Orët e ardhshme janë vendimtare për gjendjen shëndetësore të avokatit dhe pedagogut të njohur.

Dje, Prokuroria e Tiranës zbuti akuzën ndaj të dyshuarve duke rikualifikuar veprën penale nga "vrasje të funksionarëve publik e mbetur në tentativë" në ‘plagosje e rëndë me dashje kryer në bashkëpunim dhe kundërshtim dhe goditja e gjyqtarit, kryer në bashkëpunim".

Nisur nga kjo akuzë, Gjykata e Tiranës caktoi "arrest me burg" ndaj Dritan Nanos, të dyshuar si organizator të dhunës ndaj avokatit.

Ndërkohë edhe për dhëndrin e tij Dorian Alia, i arrestuari i vetëm nga grupi i dhunuesve, është dhënë masa "arrest me burg".

Edhe për 3 agresorët e tjerët që janë në kërkim nga policia, Drivaldo Alia, Elton Kasaj dhe Romario Tabaku, është caktuar masa ‘arrest me burg’ në mungesë.

Alia ka pranuar para hetuesve se dhuna ka ardhur si paralajmërim që avokati 45-vjeçar të tërhiqej nga padia kundër Nanos për të marrë çka i takonte në pronën e fituar me gjyq te kullat e Liqenit.

Dje pati edhe një reagim nga Dhoma e Avokatisë së Shqipërisë, ku u theksua se dhuna ndaj avokatit është dhunë ndaj drejtësisë, ndaj gjyqtarit, prokurorit, përmbaruesit e noterit.

"Komiteti Drejtues i Dhomës, për këtë ngjarje të rëndë kriminale, shpreh keqardhjen për mungesën e një qëndrimi apo dënimit të tij, nga trupa e gjyqtarëve dhe prokurorëve, për atë çka i ndodhi kolegut tonë", thuhet në reagim.

Dhoma e Avokatisë paralajmëroi se do të përshkallzojë qëndrimin e saj me qëllim mostolerimin e dhunës fizike apo psikike ndaj avokatëve, si dhe në mbrojtje të dinjitetit profesional dhe interesave të jetës, shëndetit e familjarëve të tyre./CNA