E fundit!

13:13 Politikë

"Protestat arritje e madhe"/ Rama: Shqipëria e para në rajon për performancën mjedisore, e 46-ta në botë

Kryeministri Edi Rama në një postim të bërë në rrjetet soc...

"Nga ferra nuk doli dot trëndafili"/ Gjergj Luca u përgjigjet akuzave të Klevis Balliut

29 Gusht 2025, 15:41, Aktualitet CNA

"Nga ferra nuk doli dot trëndafili"/ Gjergj Luca u

Biznesmeni dhe sipërmarrësi Gjergj Luca, me anë të një postimi në rrjetet sociale, u është përgjigjur akuzave të bëra nga Klevis Balliu pak ditë më parë.

Balliu thoshte se një nga ortakët e biznesmenit ishte arrestuar. Në videon e postuar, Gjergj Luca ka një apel për babanë e Klevis Balliut, Fahri Balliun, të cilit i thotë se duhet t’i kujtojë djalit miqësinë e vjetër mes tyre.

Gjithashtu biznesmeni i kujton Fahri Balliut kohën kur merrte pikturat e vjehrrit të tij në kohën e realizmit socialist dhe i shiste.

Sa i përket Klevis Balliut, Luca e quan një kec të vogël të partisë dhe shkruan krahas videos se nga ferra nuk doli dot trëndafili.

“O shoku Fahri, të kam zili. Mora vesh që djali të ishte bërë deputet. Urime! Më erdhi jashtëzakonisht mirë, por në një dalje te shkallët e partisë më kishte marrë nëpër gojë mua. Kishte thënë që gjithë ortakët e Gjergj Lucës a njëri nga ortakët, se unë kam shumë ortakë në të gjithë Shqipërinë, ka rënë brenda. O Fahri, ça bën kështu o burrë? Nuk i jep asnjë këshillë më apo nuk të dëgjon? Si është puna? Foli o burrë, foli për miqësinë tonë. Foli për dikur kur vije tek unë dhe më sillje pikturat e vjehrrit, të realizmit socialist. Ato tablo të bukura dhe pasi unë shikoja çmimet, hiqja pikturat i bëja ruletë dhe të paguaja vetëm kornizat. A i ke thënë se sa miq kemi qenë dikur bashkë? A i ke thënë djalit që në fillim duhet të rrish te partia si një kec i vogël, jo direkt të bëhesh cjap. Se po u bëre cjap dhe fillove të gërthasësh, do të vëmë zile. Ia ke shpjeguar këto gjëra apo nuk ia ke shpjeguar? Se ti je lojtar i vjetër, mos na merr më qafë kështu. Fahri, merre djalin këshilloje, mos t’i vë zile unë pastaj dhe ta vë në këto tablotë e mia se mua dhe më del fjala. Respekte Fahri dhe merre tërhiqi veshin.

Ah mor shoku Fahri Balliu, nga ferra nuk doli dot trëndafili. Nejse, kujtoje njëherë atë djalin tënd dhe jepi ca këshilla të kuqe siç i ke qejf ti. Tregoi djalit se përgojimi është ves i keq dhe nuk e di nëse ka takat yt bir të na përballë publikisht nëpër gjykata dhe në rrjetet sociale...

Përshëndetje revolucionare shoku Fahri Balliu”, thotë Luca./ CNA