web counter
LEXO PA REKLAMA!

SHKARKO APP

App Store
Google Play

E fundit!

x

Ministria fshehu aksidentin/ Gonxhe hesht për krimin, merret me koncerte

30 Prill 2026, 14:08, Aktualitet CNA

Ministria fshehu aksidentin/ Gonxhe hesht për krimin, merret me koncerte

CNA dy ditë më parë, konkretisht më 28 prill ka denoncuar një aksident të rëndë që kishte ndodhur në Cirkun Kombëtar më 25 prill, ku e plagosur ka mbetur një e mitur.

Për këtë ngjarje ka pasur një heshtje nga institucionet mbi të cilat bie përgjegjësia për mungesën e kushteve të sigurisë në ambientet e punës, që në rastin konkret kanë vënë në rrezik jetën e një të miture.

Përgjegjësia kryesore mbi këtë ngjarje bie mbi Ministrinë e Kulturës, që drejtohet nga Blendi Gonxhe, e cila ka ndërhyrë që aksidenti të mbahet i fshehtë dhe më pas tek institucionet e tjera si Policia e Shtetit apo Inspektorati i Punës.

Aksidenti nuk është raportuar pasi përgjegjësia bie mbi ministrinë e Gonxhes, e cila nuk ka verifikuar kushtet e sigurisë dhe ka tentuar të fshehë krimin.

Denoncimi i bërë nga CNA zgjoi rreth mesnatës së 28 prillit, Cirkun Kombëtar, i cili përmes një reagimi qesharak na thoshte se i kishte siguruar ndihmën dhe transportin në spital të miturës së plagosur. Por skandali thellohet edhe më tej.

Në vend që të kemi një reagim mbi ngjarjen, një marrje përgjegjësie nga ministria e Kulturës, ministri Blendi Gonxhe preferon të reklamojë koncerte si një sukses të aktiviteteve të institucionit që drejton.

Ministria fshehu aksidentin/ Gonxhe hesht për krimin, merret me koncerte
Postimi i Blendi Gonxhes

Qytetarëve nuk iu interesojnë koncertet që ai do t’i shesë si sukses, por kushtet e sigurisë në ambientet e punës dhe në rastin e lartpërmendur, jeta e një të miture dhe e punonjësve të tjerë në institucione të ndryshme ku punojnë.

Është skandaloze dhe një krim të fshehësh një aksident që rrezikon jetën e 12-vjeçares, por edhe më kriminale është heshtja dhe shamngia e përgjegjësisë nga ministri, i cili drejton një institucion që duhet të kishte marrë masa që kjo të shmangej. /CNA





Lajmet e fundit nga