web counter
LEXO PA REKLAMA!

SHKARKO APP

App Store
Google Play

‘Çmendi’ gruan duke e dhunuar/ 48-vjeçari pagoi shehun 600 euro që t’i hiqte ‘magjinë’

7 Shtator 2023, 11:35, Aktualitet CNA

‘Çmendi’ gruan duke e dhunuar/ 48-vjeçari pagoi shehun

Detaje të reja janë zbardhur nga ngjarja e ndodhur në Mat pas arrestimit të 48-vjeçarit Darjo Bruçi i cili ushtronte dhunë fizike dhe psikologjike në mënyrë të përsëritur ndaj bashkëjetueses së tij e si pasojë ajo është trajtuar me mjekim në spitalin psikiatrik Tiranë.

Ishte nëna e bashkëjetueses së Darjo Bruçit që nga Franca denoncoi dhunën barbare ndaj bijës së saj.

Policia e gjeti me shenja dhune 33-vjeçaren. Gjatë kontrolleve nga policia ata gjetën në celularin e Darjo Bruçit materiale filmike të riteve fetare nga një sheh 37-vjeçar nga Kosova, Kujtim Popaj, i cili shihet teksa kryen rite fetare të çuditshme me kaçavidë në trupin e 33-vjeçares.

Nga deklarimet e Bruçit, gruas së tij i është bërë magji dhe për këtë arsye ka thirrur shehun nga Kosova. 

Kanë nisur hetimet për mashtrim edhe për 37-vjeçarin me iniciale K. P., i cili vinte nga Kosova në banesën e 48-vjeçarit, për të shëruar 33-vjeçaren.

Ritet e çuditshme K. P., i ka kryer kundrejt pagesës 600 euro dhe dhuratave të tjera.

48-vjeçari rezulton të ketë ndërruar emrin, më herët e ka pasur Agron Bruçi dhe ka precedent të theksuar kriminal brenda vendit, për kanosje dhe kundërshtim të policisë. Ai ka jetuar edhe jashtë vendit, ku ka të regjistruar po ashtu precedent kriminal për kanosje dhe trafikim të lëndëve narkotike./ CNA





Lajmet e fundit nga