LEXO PA REKLAMA!

SHKARKO APP

U bllokuan te shpella e Pëllumbasit/ Shpëtohen 2 turistët francezë pas disa orësh kërkime

7 Shtator 2023, 10:58, Aktualitet CNA

U bllokuan te shpella e Pëllumbasit/ Shpëtohen 2 turistët

Dy turistëve francezë që kishin mbetur të bllokuar në vendin e quajtur "Gryka e Skoranës", te shpella e Pëllumbasit janë shpëtuar nga policia.

Pas disa orësh kërkime, para mesnatës, shërbimet e Policisë kanë gjetën 2 turistët francezë në vendin ku kishin mbetur të bllokuar për shkak se kishin humbur orientimin dhe nuk kishin më as ujë, as ushqim.

Pasi u kanë dhënë ndihmën e parë, për shkak të terrenit te rrezikshëm, shërbimet e Policisë kanë kërkuar shërbime të specializuara për të nxjerrë turistët nga vendi ku ishin bllokuar.  

Në ndihmë të tyre kanë shkuar Njësia Alpine e FNSH Tiranë dhe shërbime të Repartit Special RENEA, të cilët kanë ndërhyrë për nxjerrjen e turistëve nga vendi ku kishin mbetur të bllokuar dhe së bashku me shërbimet e tjera të Policisë i kanë shoqëruar me këmbë turistët, deri në vendin ku i priste ambulanca. 

Dy turistët janë dërguar në spital, për ndihmën e nevojshme mjekësore, dhe aktualisht ndodhen në gjendje të mirë shëndetësore.

Ata kanë falënderuar shërbimet e Policisë, për humanizmin dhe për ndihmën që iu ofruan./ CNA

Lajmet e fundit nga