Klima e investimeve/ Raporti i DASH: Korniza ligjore e Shqipërisë përputhet me standardet ndërkombëtare

27 Shtator 2025, 19:39, Aktualitet CNA

Klima e investimeve/ Raporti i DASH: Korniza ligjore e Shqipërisë

Në raportin e Departamentit Amerikan të Shtetit, për klimën e Investimeve në Shqipëri citohet se korniza ligjore në vendin tonë përputhet me standardet ndërkombëtare dhe nuk diskriminon investitorët e huaj.

Gjithashtu në raport thuhet se pavarësisht ndryshimeve të bëra në vitin 2015 në ligj, nuk solli shumë investime të huaja. DASH thotë se më shumë se 60 projekte të miratuara përqendrohen në turizëm dhe dominohen nga investuesit vendas.

“Korniza ligjore e Shqipërisë përputhet me standardet ndërkombëtare në mbrojtjen dhe inkurajimin e investimeve të huaja dhe nuk diskriminon investitorët e huaj. Ligji për Investimet Strategjike, i miratuar në vitin 2015, për të promovuar investimet vendase dhe të huaja në sektorët strategjikë, nuk tërhoqi shumë investime të huaja pavarësisht zgjatjeve të shumta përtej afatit të tij fillestar të dhjetorit 2018. Amendamenti i fundit u miratua në janar 2025, duke e zgjatur afatin e tij deri në dhjetor 2026. Shumica e më shumë se 60 projekteve të miratuara përqendrohen në sektorin e turizmit dhe dominohen nga investitorët vendas”, citon raporti./CNA